మీర్‌పేట్‌ పేలుడు ఘటనాస్థలి పరిశీలించిన డీసీపీ

హైదరాబాద్​ మీర్‌పేట్‌లోని చెత్తకుప్పలో పేలుడు సంభవించింది. ఓ మహిళ చెత్త ఎత్తుతున్న సమయంలో ఈ ఘటన జరిగింది. ఈ ప్రమాదంలో మహిళ తీవ్రంగా గాయపడింది. బాధితురాలికి ఉస్మానియా ఆస్పత్రిలో చికిత్స అందిస్తున్నారు.

హైదరాబాద్​ మీర్‌పేట్‌లోని చెత్తకుప్పలో పేలుడు సంభవించింది. ఓ మహిళ చెత్త ఎత్తుతున్న సమయంలో పేలుడు చోటు చేసుకున్నట్లు స్థానికులు చెబుతున్నారు. ప్రమాదంలో మహిళ తీవ్రంగా గాయపడింది. వెంటనే బాధితురాలిని ఉస్మానియా ఆస్పత్రికి తరలించారు.

బాంబా.. రసాయనాలు నిల్వ ఉంచిన డబ్బా..?

రసాయనాలు నిల్వ ఉంచిన డబ్బా తెరవడానికి ప్రయత్నించిన సమయంలో ఈ ఘటన జరిగినట్లు పోలీసులు తెలిపారు. సమాచారం తెలుసుకున్న ఎల్బీనగర్ డీసీపీ సన్​ప్రీత్​ సింగ్​, పోలీసులు క్లూస్‌ బృందంతో పేలుడు జరిగిన ప్రాంతాన్ని పరిశీలించారు.

మహిళ స్వస్థలం దేవరకొండ

గాయపడిన మహిళ దేవరకొండకు చెందిన నిర్మలగా గుర్తించారు. గత కొన్ని రోజులుగా కర్మాన్​ఘాట్​ సింగరేణి కాలనీలో నివసిస్తోంది. చెత్తను అమ్ముకుంటూ జీవనం సాగిస్తున్నట్లు స్థానికులు పేర్కొన్నారు.