'పబ్​జీ'... పూర్తి పేరేంటో తెలుసా?

నేటితరం యువతలో పబ్‌జీ గేమ్‌ గురించి తెలియని వారు.. వినని వారూ ఉండరంటే అతిశయోక్తి కాదు! అంతగా పాపులర్‌ అయ్యింది ఈ గేమ్‌. ఈ గేమ్​ ఆడేందుకు యువత ఎంతగా ఆసక్తి చూపుతారో అందరికీ తెలిసిందే. ఇంతకీ మీరూ పబ్‌జీ ఆడుతున్నారా? అయితే పబ్‌జీ పూర్తిపేరేంటో తెలుసా? బహుశా చాలా మంది... ‘తెలీదు’ అనే సమాధానం చెప్పొచ్చు. అయినా ఇదంతా ఇప్పుడెందుకు అనుకుంటున్నారా?

బిగ్‌బీ.. అమితాబ్‌ బచ్చన్‌ వ్యాఖ్యాతగా వ్యవహరించే కౌన్‌ బనేగా కరోడ్‌పతి -11 రెండో ఎపిసోడ్‌లో పాల్గొన్న వ్యక్తి వివేక్​ భగత్​ను పబ్​జీ పూర్తి పేరేంటో తెలుసా అని ప్రశ్నించారు. అప్పటి వరకు అడిగిన ప్రశ్నలకు చకచకా సమాధానం చెబుతూ వచ్చిన వివేక్.. ఈ ప్రశ్న అడిగే సరికి బిక్కమొహం వేశారు. చివరికి ఆడియన్స్‌ లైఫ్‌లైన్‌ తీసుకున్నారు. 'ప్లేయర్‌ అన్‌నోన్స్‌ బ్యాటిల్‌ గ్రౌండ్స్‌'’ అనే సమాధానానికి ఎక్కువ మంది ఓటేయడం వల్ల సరైన సమాధానం చెప్పగలిగారు. ఈ ప్రశ్న అడిగిన తర్వాత చాలా మంది ఇంతకీ పూర్తి పేరేం అయ్యుంటుదబ్బా అని నెట్టింట తెగ వెతికారట. దీనిపై సోషల్‌మీడియాలో కూడా చర్చ జరిగింది.

• ఇదీ చూడండి : హౌస్​ఫుల్​4: ఓ పాట కోసం 200 మంది డ్యాన్సర్లు