సెంట్రల్​ యూనివర్సిటీలో జింక అనుమానాస్పద మృతి

హైదరాబాద్​ సెంట్రల్​ యూనివర్సిటీలో ఓ జింక అనుమానాస్పదంగా మృతి చెందింది. కేసు నమోదు చేసిన అటవీ అధికారులు కుక్కల దాడిలో జింక మరణించినట్లు ప్రాథమికంగా తేల్చారు.

హైదరాబాద్​ కేంద్రీయ విశ్వవిద్యాలయం షూటింగ్​ రేంజ్​లో ఓ జింక అనుమానాస్పదంగా మృతి చెందింది. బుల్లెట్​ గాయాలతో జింక చనిపోయిందని వర్సిటీ అధికారులు ఫిర్యాదు చేశారు. అటవీ అధికారులు కేసు నమోదు చేశారు. జింక తూటా వల్ల చనిపోలేదని ప్రాథమిక విచారణలో తేల్చారు. ఫెన్సింగ్ నుంచి లోపలికి వచ్చిన జింక... తర్వాత బయటపడ లేక కుక్కల దాడిలో మృతిచెందిందని అధికారులు వెల్లడించారు. పంచనామా నివేదిక వచ్చాక చర్యలు తీసుకుంటామని తెలిపారు.

ఇవీ చూడండి:లోక్‌సభ భాజపా అభ్యర్థుల తొలి జాబితా విడుదల