క్రియేటివ్​ మల్డీమీడియా కళాశాలకు జాతీయ అవార్డుల పంట..

Awards to Creative Multimedia: దేశంలో అత్యుత్తమ మల్టీమీడియా ప్రతిభావంతులు తమ సంస్థ నుంచే వస్తున్నారని క్రియేటివ్ మల్టీమీడియా మరోమారు నిరూపించుకుంది. ఈ సంస్థ విద్యార్థులు దేశ వ్యాప్తంగా జరిగిన పలు పోటీలు, ప్రముఖ చిత్రోత్సవాల్లో అవార్డులు దక్కించుకున్నారు.

Awards to Creative Multimedia: హైదరాబాద్​లోని క్రియేటివ్​ మల్డీమీడియా ఫైన్​ ఆర్ట్స్​ కళాశాలకు చెందిన విద్యార్థులు పలు ప్రతిష్టాత్మక అవార్డులు చేజిక్కించుకున్నారు. గాఫెక్స్​-2022 డిజిటల్​ పెయింటింగ్, చిత్ర భారతి ఫిల్మ్​ ఫెస్టివల్ పోటీల్లో పాల్గొన్న క్రియేటివ్​ మల్టీమీడియా విద్యార్థులు ప్రథమ, ద్వితీయ స్థానాల్లో నిలవటమే కాకుండా.. పలువురు ప్రముఖుల ప్రశంసలు అందుకున్నారు. కర్ణాటకలోని బెంగళూరులో జరిగిన గాఫెక్స్​-2022 డిజిటల్​ పెయింటింగ్​ పోటీలో కార్తీక్​ బిజు పిళ్లై ప్రథమ స్థానంలో నిలిచారు. ఇందుకు గానూ.. 15 వేల నగదు బహుమతితో పాటు సర్టిఫికేట్​, మెమెంటో ప్రదానం చేశారు.

భోపాల్​లో జరిగిన చిత్ర భారతి ఫిల్మ్​ ఫెస్టివల్​లో హరిప్రసాద్​ పసుపుల ద్వితీయ బహుమతి కైవసం చేసుకున్నాడు. లాక్​డౌన్​ సమయంలో వ్యర్థాల నిర్వాహణపై హరిప్రసాద్​ తీసిన స్టాప్​ మోషన్​ షార్ట్​ ఫిల్మ్​ "పవర్​ ఆఫ్​ ఛేంజ్​" పోటీలో రెండో స్థానంలో నిలిచింది. దీనికి గానూ.. 25 వేల నగదు బహుమతితో పాటు సర్టిఫికెట్​, ట్రోఫీని అందుకున్నాడు. హరిప్రసాద్​ తీసిన షార్ట్​ ఫిల్మ్​ను చూసిన బాలీవుడ్​ హీరో అక్షయ్​కుమార్​.. ప్రోత్సాహకంగా లక్ష రూపాయలు అందించాడు. ఈ షార్ట్​ ఫిల్మ్​.. హైదరాబాద్​లోని నిర్వహించిన ఎకో బబుల్​ ఫిల్మ్​ ఫెస్టివల్​లో కూడా స్పెషల్​ జ్యూరీ అవార్డు గెలుచుకుంది. ప్రముఖ దర్శక నిర్మాత తమ్మారెడ్డి భరద్వాజ చేతుల మీదుగా 15 వేల నగదు బహుమతిని హరిప్రసాద్​ అందుకున్నాడు.

ఏవీజీసీ శిక్షణ రంగంలో చేసిన కృషికి గానూ క్రియేటివ్​ మల్టీమిడియా వ్యవస్థాపకుడు రాజశేఖర్​ బుగ్గవీటి.. ఎడ్యుస్పార్క్​ ప్రత్యేక గౌరవ పురస్కారానికి ఎంపికయ్యారు. యానిమేషన్​ ఎక్స్​ప్రెస్​ నిర్వహించిన ఎడ్యుస్పార్క్​ పురస్కారాల వేడుకలో.. రాజశేఖర్​ ఈ పురస్కారాన్ని అందుకున్నారు. మల్టీమీడియా శిక్షణలో సుమారు 24 ఏళ్లుగా రాజశేఖర్​ చేస్తున్న కృషిని.. సాధిస్తున్న విజయాలకు ఈ అవార్డు సముచితమైన గుర్తింపని పలువురు కొనియాడారు.

ఇవీ చూడండి: