హైదరాబాద్లో జరుగుతున్న వినాయక శోభయాత్రను నగర పోలీసు కమిషనర్ అంజనీకుమార్ క్షుణ్ణంగా పరిశీలించారు. అనంతరం హుస్సేన్‌సాగర్‌లో బోటింగ్ ద్వారా ట్రాఫిక్ అదనపు పోలీసు కమిషనర్ అనిల్ కుమార్తో పాటు పలువురు ఉన్నతాధికారులతో అంజనీకుమార్ నిమజ్జనం కార్యక్రమాలను పర్యవేక్షించారు. ఖైరతాబాద్ గణేషున్ని ఎన్టీఆర్‌ పార్కు ముందున్న క్రేన్ నెంబర్ 4వ వద్ద నిమజ్జనం చేయనున్న నేపథ్యంలో ఆ పరిసర ప్రాంతాలను సీపీ పరిశీలించారు.
పోలీసు సిబ్బంది సమన్వయంగా వ్యవహరించి సామూహిక గణేశ్ నిమజ్జనం శాంతియుతంగా జరిగేలా చూడాలని అడిషనల్ సీపీ షికా గోయల్ తెలిపారు. ట్యాంక్బండ్పై గణేశ్ నిమజ్జనం ప్రశాంతంగా కొనసాగడానికి పటిష్ఠమైన చర్యలు తీసుకున్నట్లు షికా గోయల్ వివరించారు. వినాయక విగ్రహాలతో వచ్చే భక్తులు, నిర్వాహకుల పట్ల పోలీస్ సిబ్బంది సమన్వయంగా వివరించాలని సూచించారు.
