కరోనా అనుమానితులు క్వారంటైన్​కు తరలింపు

రంగారెడ్డి జిల్లా షాద్​నగర్​ పరిధిలోని ఎనిమిది మంది కరోనా అనుమానితులను రాజేంద్రనగర్​లోని క్వారంటైన్​కు తరలించారు. వీరు దిల్లీలోని మర్కజ్​లో ప్రార్థనలకు హాజరైనట్టు పోలీసులు, వైద్యాధికారులు తెలిపారు.

దిల్లిలోని మర్కజ్​లో ప్రార్థనలకు వెళ్లిన వారిలో 8 మందిని రంగారెడ్డి జిల్లా షాద్​నగర్​ పరిధిలో గుర్తించారు. వీరిని పరీక్షల నిమిత్తం క్వారంటైన్​కు తరలించారు. మతప్రచారం కోసం అక్కడికి వెళ్లిన వారిలో కరోనా బాధితులు ఉన్నట్టు తేలినందున పోలీసు, వైద్య బృందాలు అప్రమత్తమయ్యాయి.

నియోజకవర్గంలో విచారణ నిర్వహించగా... షాద్​నగర్​లో ముగ్గురు, కొత్తూరులో ముగ్గురు, నందిగామలో ఇద్దరు ఉన్నట్టు తేలింది. వీరిని వెంటనే పరీక్షల నిమిత్తం రాజేంద్రనగర్​లోని క్వారంటైన్​కు తరలించినట్టు జిల్లా ఉప వైద్యాధికారి చందునాయక్​ తెలిపారు.

ఇవీచూడండి: తెలంగాణలో ఆరుకు చేరిన కరోనా మృతుల సంఖ్య