ఏపీలో కరోనా వ్యాప్తి కొనసాగుతోంది. గడిచిన 24 గంటల్లో 57,672 నమూనాలను పరీక్షించగా.. 1,627 మందికి వైరస్ సోకింది. తాజా కేసులతో కలిపి మొత్తం కేసుల సంఖ్య 19,56,392కు పెరిగింది. మరో 17 మంది కరోనా మహమ్మారికి బలయ్యారు. దీంతో మొత్తం మృతుల సంఖ్య 13,273కు పెరిగింది. ఈ మేరకు రాష్ట్ర ఆరోగ్యశాఖ బులిటెన్‌ విడుదల చేసింది.
తాజాగా 2,017 మంది కొవిడ్ నుంచి పూర్తిగా కోలుకున్నారు. అయితే ప్రస్తుతం 21,748 యాక్టివ్ కేసులు ఉన్నట్లు తెలిపింది. వైరస్ బారిన పడి చిత్తూరు, కృష్ణా జిల్లాల్లో ఐదుగురు.. తూర్పుగోదావరి, విశాఖ జిల్లాల్లో ఇద్దరు చొప్పున మరణించారు. అలాగే కడప, నెల్లూరు, పశ్చిమ గోదావరి జిల్లాల్లో ఒక్కరు చొప్పున మరణించినట్లు ఆరోగ్యశాఖ తెలిపింది.
ఇదీ చదవండి: 'నాడు-నేడు' సాఫ్ట్‌వేర్‌ వాడుకునేందుకు తెలంగాణకు ఏపీ అనుమతి
