మాజీ ప్రధాని స్వర్గీయ జవహర్లాల్ నెహ్రూ వర్ధంతి వేడుకలను కాంగ్రెస్ పార్టీ నాయకులు నిరాడంబరంగా నిర్వహించారు. హైదరాబాద్ అబిడ్స్లోని నెహ్రూ విగ్రహానికి ఆ పార్టీ గ్రేటర్ హైదరాబాద్ అధ్యక్షుడు అంజన్ కుమార్ యాదవ్, సీనియర్ నేత వి.హన్మంతరావులు నివాళులర్పించారు.
నెహ్రూ కీర్తిని తగ్గించి అప్రతిష్ట పాలు చేసేందుకు మోదీ ప్రభుత్వం కుట్రలు చేస్తోందని వీహెచ్ మండిపడ్డారు. ఎవరు ఎన్ని కుట్రలు పన్నినా నెహ్రూ ముద్రను చేరపలేరని అన్నారు. ప్రభుత్వ సంస్థలను ప్రైవేట్ పరం చేస్తూ ఉద్యోగులను తొలగిస్తూ వారి జీవితాలతో ఆడుకుంటున్నారని ఆవేదన వ్యక్తం చేశారు. నెహ్రూ దేశానికి చేసిన అభివృద్ధిని... నేటి తరానికి తెలియజేయాల్సిన అవసరం ఉందని అభిప్రాయపడ్డారు.
