పచ్చదనం లేకుంటే పదవుల నుంచి తొలగింపు
హరితహారం లక్ష్యాలు పూర్తి చేయని ప్రజాప్రతినిధులపై కఠిన చర్యలు తీసుకుంటామని ముఖ్యమంత్రి కేసీఆర్ స్పష్టం చేశారు. హరితహారం విషయంలో బాధ్యతలు సక్రమంగా నిర్వర్తించని అధికారులను ఉద్యోగం నుంచి తొలగిస్తామని హెచ్చరించారు. మొక్కలు నాటి సంరక్షించని సర్పంచ్, ఛైర్పర్సన్లు పదవులు కోల్పోతారని నూతన చట్టంతో ఈ విధానం అమల్లోకి వస్తుందని తెలిపారు. అడవులు పెరిగి, రాష్ట్రం పచ్చదనంతో పరిఢవిల్లాలని ఆకాంక్షించారు. మూడేళ్లలో రాష్ట్రంలో అద్భుతం జరుగుతుందన్నారు.
