నేనంటే కేంద్రానికి గజగజ.. ఎందుకో తెలుసా..!

జీహెచ్ఎంసీ ఎన్నికల ద్వారా దిల్లీకి సందేశమివ్వాలని నగర ప్రజలకు కేసీఆర్​ సూచించారు. హైదరాబాద్​లో అందరం కలిసి ఉండే పరిస్థితులు ఉండాలని... అందుకోసం మేధావులు, విద్యావంతులు కలిసి రావాలని విజ్ఞప్తి చేశారు.

కేసీఆర్​ జాతీయ రాజకీయాల్లోకి వస్తాడేమో అని దిల్లీలో గజగజ వణుకుతున్నారని సీఎం కేసీఆర్​ అన్నారు. జీహెచ్ఎంసీ ఎన్నికల ద్వారా దిల్లీకి సందేశం ఇవ్వాలని నగర ప్రజలకు సూచించారు. హైదరాబాద్​లో అందరం కలిసి ఉండే పరిస్థితులు ఉండాలి... పక్క రాష్ట్రం వాడెవడో వచ్చి చెప్పే మాటలకు మోసపోవద్దన్నారు. నన్ను కూడా పరుషపదాలతో తూలనాడుతున్నారని వ్యాఖ్యానించారు. ఓపిక, సంయమనం, బాధ్యత ఉందనే మాట్లాడం లేదన్నారు.

హైదరాబాద్​ను కాపాడుకోవాల్సిన తరుణమిదని... రెచ్చిగొట్టే మాటలతో రెచ్చిపోతే హైదరాబాద్​లో శాంతి భద్రతలు లోపిస్తాయని, శాంతి లేకపోతే ఆస్తుల విలువలు పడిపోతాయని ఆందోళన వ్యక్తం చేశారు. హైదరాబాద్​ను కాపాడుకునేందుకు మేధావులు, విద్యావంతులు ముందుకు రావాలని కోరారు. తెరాసకు ఓటేసి... గతం కంటే ఐదారు సీట్లు ఎక్కువ ఇచ్చి ఆశీర్వదించాలని విజ్ఞప్తి చేశారు. మా బాసులు దిల్లీలో లేరు... తెలంగాణ ప్రజలే మా బాసులు అని అన్నారు.

ఇదీ చూడండి: చైతన్యవంతులు అభివృద్ధికే పట్టం కడతారు: కేసీఆర్