Chandrababu news: ఆంధ్రప్రదేశ్లోని గుంటూరు జిల్లా తుళ్లూరు మండలం పెద్ద పరిమిలోని ఓ వివాహ వేడుకకు తెదేపా అధినేత చంద్రబాబు నాయుడు హాజరయ్యారు. రైతు విజయ్ కుమారుడు చైతన్య పెళ్లికి హాజరైన చంద్రబాబు.. వధూవరులను ఆశీర్వదించారు. చంద్రబాబు రాకను గమనించిన బంధుమిత్రులంతా జై అమరావతి.. జై చంద్రబాబు అంటూ నినాదాలు చేశారు.
వారి నినాదాలకు బాబు చిరునవ్వుతో అభివాదం చేసుకుంటూ ముందుకెళ్లారు. తుళ్లూరు దీక్షా శిబిరం వద్ద రైతులు రోడ్డుకు ఇరువైపులా నిల్చొని చంద్రబాబుకు స్వాగతం పలికారు. రైతుల నినాదాలతో తెదేపా అధినేత కారు దిగి వారికి అభివాదం చేశారు.
రైతు కుమారుడి వివాహానికి హాజరైన చంద్రబాబు
