Chandrababu: 11 నుంచి కుప్పంలో చంద్రబాబు పర్యటన

ఈ నెల 11 నుంచి 4 రోజుల పాటు ఏపీలోని చిత్తూరు జిల్లా కుప్పం నియోజకవర్గంలో చంద్రబాబు పర్యటించనున్నారు. పలు మండలాల్లో పర్యటించి ప్రజలు, పార్టీ శ్రేణులతో మమేకమవుతారని నేతలు తెలిపారు.

ఆంధ్రప్రదేశ్​లో ప్రధాన ప్రతిపక్ష నేత చంద్రబాబు తాను ఎమ్మెల్యేగా ప్రాతినిథ్యం వహిస్తోన్న చిత్తూరు జిల్లా కుప్పం నియోజకవర్గంలో ఈ నెల 11 నుంచి 4 రోజుల పాటు పర్యటించనున్నారు. పర్యటన ఏర్పాట్లపై స్థానిక తెదేపా నేతలు ఇప్పటికే సమీక్షించారు.

ఈ నెల 11న బెంగళూరు మీదుగా రోడ్డుమార్గంలో కుప్పం రానున్న చంద్రబాబు.. 11, 12 తేదీల్లో కుప్పం మున్సిపాలిటీ, మండలంలో, 13న శాంతిపురం, రామకుప్పం మండలాల్లో, 14న గుడుపల్లె, శాంతిపురం మండలాల్లో పర్యటించి ప్రజలు, పార్టీ శ్రేణులతో మమేకమవుతారని నేతలు చెప్పారు.