ముఖ్యమంత్రి కేసీఆర్కు కేంద్రమంత్రి కిషన్‌రెడ్డి లేఖ రాశారు. రాష్ట్రంలో అర్హులందరికి 5 కిలోల ఉచిత బియ్యం పంపిణీని అమలు చేయాలని లేఖలో పేర్కొన్నారు. దేశంలో 80 కోట్లమందికి ఉచిత ఆహారధాన్యాల పంపిణీ చేపడుతున్నట్లు తెలిపారు.
గతేడాది అర్హులందరికీ 5 కిలోల చొప్పుల ఉచిత బియ్యం అందజేశామని.. ఈ ఏడాది మే, జూన్‌లో ఉచిత ఆహారధాన్యాలు పేదలకు అందించాలన్నారు. ఆహారధాన్యాల పంపిణీలో జాప్యాన్ని వెంటనే అరికట్టాలని విజ్ఞప్తి చేశారు. వెంటనే రాష్ట్రంలో ఉచిత బియ్యం పంపిణీకి చర్యలు చేపట్టాలని సీఎం కేసీఆర్ను కిషన్ రెడ్డి కోరారు.
