రేపు దిల్లీకి భాజపా రాష్ట్ర అధ్యక్షుడు బండి సంజయ్

గ్రేటర్​ ఎన్నికల్లో భాజపా విజయం కోసం కృషి చేసిన జాతీయ నేతలు, కేంద్రమంత్రులకు కృతజ్ఞతలు తెలిపేందుకు... రాష్ట్ర అధ్యక్షుడు బండి సంజయ్ దిల్లీ వెళ్లనున్నారు. ఈ మేరకు రేపు ఉదయం 11 గంటలకు బయలుదేరనున్నారు.

భాజపా రాష్ట్ర అధ్యక్షుడు, కరీంనగర్ ఎంపీ బండి సంజయ్​ రేపు ఉదయం 11 గంటలకు దిల్లీ వెళ్లనున్నారు. భాజపా జాతీయ అధ్యక్షుడు జేపీ నడ్డా, కేంద్రమంత్రి అమిత్ షాను కలిసే అవకాశం ఉంది.

జీహెచ్​ఎంసీ ఎన్నికల ఫలితాలను నేతలకు వివరించనున్నట్టు తెలుస్తోంది. గ్రేటర్ ఎన్నికల ప్రచారానికి వచ్చిన కేంద్ర మంత్రులు ప్రకాష్ జావడేకర్, స్మృతి ఇరానీ సహా పలువురి కలిసి కృతజ్ఞతలు తెలపనున్నట్టు సమాచారం.

ఇదీ చూడండి: భాజపా కీలక సమావేశం.. కార్పొరేటర్లకు దిశానిర్దేశం