నిజామాబాద్​లో బ్యాలెట్​ పోరే: రజత్​ కుమార్​

నిజామాబాద్​లో బ్యాలెట్​ ద్వారానే పోలింగ్​ నిర్వహిస్తామని రాష్ట్ర ప్రధాన ఎన్నికల అధికారి రజత్​ కుమార్​ స్పష్టం చేశారు. ఇక్కడ నుంచి 185 మంది అభ్యర్థులు బరిలో ఉన్నట్లు ప్రకటించారు. రిటర్నింగ్​ అధికారి నుంచి ఫారం 7ఏ అందాక ఈసీకి నివేదిస్తామని చెప్పారు.

నిజామాబాద్​లో 185 మంది అభ్యర్థులు బరిలో ఉన్నట్లు రాష్ట్ర ప్రధాన ఎన్నికల అధికారి రజత్​ కుమార్​ తెలిపారు. ఇక్కడ బ్యాలెట్​ ద్వారానే పోలింగ్​ జరపనున్నట్లు ప్రకటించారు. రిటర్నింగ్​ అధికారి నుంచి ఫారం 7ఏ వచ్చాక ఈసీకి తెలియజేస్తామని అన్నారు. నమూనాను ఈసీ సూచిస్తుందని... దాని ప్రకారమే బ్యాలెట్​ పత్రాలు ముద్రిస్తామని తెలిపారు. నిజామాబాద్‌కు సంబంధించిన అన్ని అంశాలను ఈసీకి దృష్టికి తీసుకెళ్తామన్నారు. బ్యాలెట్ పత్రాలకు సరిపడా బ్యాలెట్ బాక్సులను సేకరించాల్సి ఉంటుందని పేర్కొన్నారు. బ్యాలెట్ పత్రాల ముద్రణకు ఎలాంటి ఇబ్బంది ఉండదని స్పష్టం చేశారు.

ఇవీ చూడండి:నేను ఎప్పటికీ ప్రజాపక్షమే: గద్దర్​