బ్యాడ్మింటన్ క్రీడాకారులు సైనా నెహ్వాల్, పారుపల్లి కశ్యప్ దంపతులు హిమాచల్ప్రదేశ్ గవర్నర్ బండారు దత్తాత్రేయను కలిసి దీపావళి శుభాకాంక్షలు తెలియజేశారు. సిమ్లాలోని రాజ్భవన్లో హిమాచల్ సంప్రదాయం ప్రకారం సైనా దంపతులను టోపీ, శాలువతో సత్కరించారు. రాజ్భవన్ చిత్రపటాన్ని వారికి జ్ఞాపికగా గవర్నర్ అందజేశారు.
అంతర్జాతీయస్థాయిలో రాణిస్తున్నారు..
హిమాచల్ప్రదేశ్ అందమైన పర్వత రాష్ట్రమని గవర్నర్ బండారు దత్తాత్రేయ పేర్కొన్నారు. హిమాచల్ యువత చాలా ప్రతిభావంతులని, అత్యుత్తమ ఆటగాళ్ల లక్షణాలు కలిగి ఉన్నారన్నారు. సరైన శిక్షణ, సౌకర్యాలు కల్పిస్తే అంతర్జాతీయ స్థాయిలో రాణిస్తారని ఆశాభావం వ్యక్తం చేశారు. క్రీడాకారులను ప్రోత్సహించేందుకు హిమాచల్ ప్రభుత్వం అనేక సదుపాయాలను కల్పిస్తోందని, గ్రామీణ స్థాయిలో క్రీడలకు మౌలిక సదుపాయాల కల్పన జరుగుతోందని వెల్లడించారు. హిమాచల్ప్రదేశ్లో క్రీడల కోసం అంతర్జాతీయస్థాయి సౌకర్యాలను అభివృద్ధి చేయాలనుకుంటున్నట్లు గవర్నర్ తెలిపారు.
బాడ్మింటన్ అకాడమీ ఏర్పాటు చేస్తా..
హిమాచల్ప్రదేశ్లో బ్యాడ్మింటన్ అకాడమీని ప్రారంభించడానికి తాను ఎంతో ఆసక్తిగా ఉన్నానని గవర్నర్తో తన అభిప్రాయం వ్యక్తం చేశారు సైనా. ఉత్తర భారత ఆటగాళ్ల శిక్షణ కోసం హైదరాబాద్, బెంగళూరుకు వస్తుంటారని సైనా నెహ్వాల్ తెలిపారు. ధర్మశాలలోని క్రికెట్ స్టేడియంను ఆమె ప్రశంసిస్తూ చాలా మంది ఆటగాళ్లు జాతీయ స్థాయిలో గొప్పగా రాణిస్తున్నారని అన్నారు.
