కరోనా వైరస్ నివారణకు ఏపీ ముఖ్యమంత్రి జగన్మోహన్ రెడ్డి చిత్తశుద్ధితో పని చేస్తున్నారని ఆ రాష్ట్ర ఆర్థిక శాఖ మంత్రి బుగ్గన రాజేంద్రనాథ్ రెడ్డి పేర్కొన్నారు. కర్నూలు జిల్లా బనగానపల్లె ఎంపీడీవో కార్యాలయంలో మండలస్థాయి అధికారులతో కరోనాపై సమీక్ష నిర్వహించారు. అధికారులు అప్రమత్తంగా ఉండాలని సూచించారు. నియోజకవర్గంలో పాజిటివ్ కేసుల సంఖ్య, కోలుకున్న వారి వివరాలను తెలుసుకున్నారు.
ప్రభుత్వ ఆస్పత్రిలో సిబ్బంది కొరత, ఇతర విషయాలను అధికారులతో చర్చించారు. దేశంలో ఎక్కడా లేని విధంగా టెస్టింగ్ల సంఖ్య పెరగడం వల్ల కరోనా కేసులు తెలుస్తున్నాయని అన్నారు. పరీక్షలు పూర్తయితే ..కేసులు తగ్గే అవకాశం ఉందని వెల్లడించారు. వలస కూలీలకు ప్రత్యేకంగా బస్సులు ఏర్పాటు చేసి ఇతర ప్రాంతాలకు తరలిస్తామన్నారు. వైరస్ నివారణకు తీసుకోవాల్సిన జాగ్రత్తలు ,ఇతర అంశాలపై అధికారులతో చర్చించారు.
ఇవీ చూడండి: అన్ని చర్యలు తీసుకుంటున్నాం: మంత్రి శ్రీనివాస్ గౌడ్
