గురువారం దివంగత ముఖ్యమంత్రి వై.ఎస్.రాజశేఖర్ రెడ్డి జయంతి సందర్భంగా వైఎస్ షర్మిల... తమ పార్టీని ప్రకటించనున్నారు. ఫిల్మ్నగర్ జేఆర్సీ కన్వెన్షన్ సెంటర్‌లో వైఎస్సార్ తెలంగాణ పార్టీ ఆవిర్భావ సభకు సంబంధించిన ఏర్పాట్లు కొనసాగుతున్నాయి. ఇప్పటికే... పార్టీ జెండాలతో కన్వెన్షన్ను అలంకరించారు. ఈ సందర్బంగా అడహక్ కమిటీ సభ్యులు పార్టీ ఏర్పాట్లను పరిశీలించారు. పార్టీ ఆవిర్భావ కార్యక్రమాలను ప్రత్యక్షంగా చూసేవారితో పాటు పరోక్షంగా పార్టీ ప్రారంభోత్సవాన్ని తిలకించేందుకు సైతం ఏర్పాట్లు చేశామని వైఎస్సాఆర్ తెలంగాణ పార్టీ అడహక్ కమిటీ సభ్యుడు కొండా రాఘవరెడ్డి తెలిపారు.
ఇదీ చూడండి: sharmila: ఇడుపులపాయకు షర్మిల.. వైఎస్ఆర్కు నివాళులు
షర్మిల పర్యటన ఇలా...
"జూమ్ ఆప్ ద్వారా లక్షలాది మంది ఈ కార్యక్రమాన్ని చూసేవిధంగా ఏర్పాట్లు చేశాం. రేపు ఉదయం వై.ఎస్.షర్మిల ఇడుపులపాయకు చేరుకుంటారు. అక్కడ ప్రత్యేక ప్రార్థనలు చేసి.. కడప నుంచి ప్రత్యేక చాపర్లో మధ్యాహ్నం ఒంటిగంట వరకు బేగంపేట విమానాశ్రయానికి చేరుకుంటారు. బేగంపేట విమానాశ్రయంలో తెలంగాణ బోనాలు, డప్పులు, కళాబృందాలతో వైఎస్.షర్మిలకు స్వాగతం పలుకుతాం. మధ్యాహ్నం 3 గంటలకు పంజాగుట్ట చౌరస్తాలో వైఎస్సాఆర్ విగ్రహానికి షర్మిల పూలమాలవేసి నివాళులు అర్పిస్తారు. అక్కడి నుంచి నేరుగా జేఆర్సీ కన్వెన్షన్కు చేరుకుంటారు."
- కొండా రాఘవరెడ్డి, వైఎస్సార్ తెలంగాణ పార్టీ అడహక్ కమిటీ సభ్యుడు
పార్టీ ప్రారంభోత్సవానికి అన్ని పార్టీల అధ్యక్షులను, కుల సంఘాలను, మేధావులను, ఏ పార్టీతో సంబంధం లేకుండా న్యూట్రల్గా ఉన్నవారిని సైతం ఆహ్వానించామని రాఘవరెడ్డి తెలిపారు. సాయంత్రం 5 గంటలకు వైఎస్ షర్మిల.. కొత్త పార్టీ ప్రకటన చేయనున్నట్లు వైఎస్ తెలంగాణ పార్టీ అడహక్ కమిటీ సభ్యులు వెల్లడించారు.
