మహారాష్ట్ర ఠాణెలో అత్యంత దారుణ ఘటన వెలుగులోకి వచ్చింది. దోంబివల్లిలోని భోపర్ ప్రాంతంలో 15 ఏళ్ల బాలికపై 33 మంది అత్యాచారానికి పాల్పడ్డారు. ఈ ఘటనపై కేసు నమోదు చేసుకున్న పోలీసులు 23 మందిని అరెస్ట్ చేశారు. వీరిలో ఇద్దరు మైనర్లు ఉన్నారు. మరో 10మంది పరారీలో ఉన్నారు.
ఇదీ జరిగింది...
15 ఏళ్ల మైనర్.. మంపాడ పోలీస్ స్టేషన్ పరిధిలో నివాసముంటోంది. ఆమెకు ఓ యువకుడితో సంబంధం ఉంది. ఓ సందర్భంలో మైనర్ను ఆ యువకుడు అసభ్యకరంగా వీడియోలు తీశాడు. ఈ ఘటన జనవరి 22న జరిగింది. అనంతరం బ్లాక్మెయిల్కు పాల్పడ్డాడు. వీడియోలను అడ్డుపెట్టుకుని అప్పటి నుంచి 33 మంది.. దోబివల్లి, బద్లాపుర్, ముర్బాద్, రాబెల్ ప్రాంతాల్లో చిత్రహింసలు పెట్టి తొమ్మిది నెలల పాటు అత్యాచారానికి ఒడిగట్టారు.
మంపాడ పోలీస్ స్టేషన్లో కేసు నమోదైంది. పరారీలో ఉన్న వారిని పట్టుకునేందుకు ప్రత్యేక బృందాలను ఏర్పాటు చేశారు అధికారులు. నిందితులను కఠినంగా శిక్షించాలని సర్వత్రా డిమాండ్లు పెరుగుతున్నాయి.
ఇదీ చూడండి: మంచూరియా, ఫ్రైడ్ రైస్ ఆశ చూపి బాలికపై రేప్!
