Stock Markets Closing: దేశీయ స్టాక్ మార్కెట్లు సోమవారం లాభాలను నమోదు చేశాయి. అంతర్జాతీయ మార్కెట్ల నుంచి సానుకూల పవనాలు, రిలయన్స్, టాటా మోటార్స్, మహీంద్ర షేర్ల కొనుగోలుకు మదుపరులు ఆసక్తి చూపడం వల్ల సోమవారం లాభాలతో ముగిశాయి. ఉదయం 57,782 వద్ద ప్రారంభమైన బొంబాయి స్టాక్ ఎక్స్చేంజి సూచీ సెన్సెక్స్.. ఒక దశలో 57,554 కనిష్ఠానికి చేరుకుంది. చివరకు 545 పాయింట్లు పెరిగి 58,115 వద్ద స్థిరపడింది. జాతీయ స్టాక్ ఎక్స్చేంజి సూచీ నిఫ్టీ 17,243 వద్ద ప్రారంభమై.. 17,167 కనిష్ఠానికి చేరుకుంది. 181 పాయింట్ల లాభంతో 17,340 వద్ద సెషన్ను ముగించింది.
లాభనష్టాల్లో ఇవే..: మహీంద్ర అండ్ మహీంద్ర, టాటా మోటార్స్, అదానీ పోర్ట్స్, ఓఎన్జీసీ, సిప్లా షేర్లు లాభాల్లో ముగిశాయి. సన్ ఫార్మా, హెచ్యూఎల్, హెచ్డీఎఫ్సీ లైఫ్, బ్రిటానియా, దివిస్ షేర్లు నష్టపోయాయి.
బలపడిన రూపాయి: అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే.. 23 పైసలు లాభపడి రూ. 79.01 వద్ద స్థిరపడింది.
ఇవీ చదవండి: గుడ్ న్యూస్.. వంట గ్యాస్ ధర తగ్గింపు.. ఎంతంటే...
రికార్డు స్థాయిలో జీఎస్టీ వసూళ్లు.. గతేడాది కన్నా 28 శాతం ఎక్కువగా..
