Revolt Rv400 EV : స్పోర్ట్స్​ బైక్​ ఫీచర్స్​తో.. రివోల్ట్​ సరికొత్త ఎలక్ట్రిక్​ బైక్ లాంఛ్​​.. ధర ఎంతంటే!

Revolt Rv400 EV : ప్రముఖ విద్యుత్​ బైక్​ల తయారీ సంస్థ రివోల్ట్​​ మోటార్స్​ సరికొత్త ఎలక్ట్రిక్​​ బైక్​ RV400ను ఇండియన్​ మార్కెట్​లో లాంఛ్​ చేసింది. స్టైలిష్​ లుక్​ కలిగిన ఈ బైక్​ను.. స్పోర్ట్స్​ బైక్​ తరహాలో తీర్చిదిద్దారు. మరి దీని ధర, ఫీచర్స్​ తదితర వివరాలు మీకోసం.

Revolt Rv400 EV : ప్రముఖ విద్యుత్​ బైక్​ల తయారీ సంస్థ రివోల్ట్​ మోటార్స్..​​ సరికొత్త ఎలక్ట్రిక్​​ బైక్​ను భారత విపణిలోకి విడుదల చేసింది. రివోల్ట్ మోటార్స్​ ఆరో వార్షికోత్సవం సందర్భంగా RV400 పేరుతో ఈ స్టెల్త్​ బ్లాక్​ ఎడిషన్​ ఈవీ బైక్​ను లాంఛ్​ చేశారు.

Revolt Rv400 EV Features : స్పోర్ట్స్​ బైక్​ను తలపించేలా ఉన్న ఈ బైక్​ను.. స్టైలిష్​ అండ్​ డైనమిక్​ లుక్స్​తో తీర్చిదిద్దారు. స్టెల్త్​ బ్లాక్​ ఎడిషన్​( Revolt Rv400 Stealth Black Edition ).. పేరుకు తగ్గట్టే రివోల్ట్​ RV400లో స్టైలిష్​ లుక్​ కలిగిన స్లీక్​ బాడీని గమనించవచ్చు. బైక్​కు మరింత అందాన్ని తెచ్చే విధంగా ముందు భాగంలో గోల్డ్​ కలర్​లో రెండు ఫోర్క్​లను కూడా అమర్చారు. ఇది బైక్​లోనే ప్రత్యేక ఆకర్షణగా చెప్పవచ్చు. ఇందులోని స్టైల్డ్​​ ఎల్​ఈడీ హెడ్​లైట్.. బైక్​కు మరింత మోడ్రన్ లుక్​ను అందిస్తోంది. ఇక బాడీవర్క్​ విషయానికొస్తే.. బ్యాటరీ బయటకు కనిపించకుండా యాంగులర్​ ప్యానెల్స్​ను అమర్చారు. ఇక రివోల్ట్ RV400 బైక్​ పనితీరు విషయానికి వస్తే.. ఈ స్టెల్త్ బ్లాక్ ఎడిషన్​ స్టాండర్డ్ మోడల్‌లోని ఫీచర్లనే ఇందులోనూ ఉన్నాయి. ఇందులో మిడ్-మౌంటెడ్ ఎలక్ట్రిక్ మోటార్​ను వాడారు. దీనితో అటవీ ప్రాంతాల్లో కూడా అద్భుతమైన రైడ్​ను ఆస్వాదించవచ్చని కంపెనీ చెబుతోంది.

రివోల్ట్​ RV400 స్పెసిఫికేషన్స్​..
Revolt Rv400 EV Specs :

• మిడ్-మౌంటెడ్ ఎలక్ట్రిక్ మోటార్.
• బైక్ ముందు, వెనుక డిస్క్ బ్రేక్‌లను కలిగి ఉంది.
• ఫోర్​ హార్స్‌పవర్ (మూడు కిలోవాట్‌లు) సామర్థ్యం.
• ఫుల్​ఛార్జ్​తో 156 కిలోమీటర్ల వరకు ప్రయాణించవచ్చు.
• 3.24 కిలోవాట్​-​ లిథియమ్​-అయాన్​-యూనిట్​ బ్యాటరీ.
• ప్రీలోడ్-అడ్జస్టబుల్​ మోనోషాక్ ద్వారా బ్యాక్​ సస్పెన్షన్​ను హ్యాండిల్​ చేస్తుంది.

Revolt Rv400 Price : ఇక ఈ రివోల్డ్ ఆర్​వీ400 ఎలక్ట్రిక్​ బైక్​ ధరను రూ.1,17,000/-(ఎక్స్​-షోరూం) గా నిర్ణయించారు. ఇప్పటికే దీనికి సంబంధించి బుకింగ్​లు కూడా ప్రారంభమయ్యాయి. ఆన్​లైన్​లో ఈ ఈవీ బైక్​ను బుక్​ చేసుకోవచ్చు. అలాగే అన్ని రివోల్ట్​ మోటార్స్​ షోరూంల్లో కూడా ఈ బైక్​ను బుక్​ చేసుకునే అవకాశం ఉంది.