Renault Car Launch 2024 : ఫ్రాన్స్కు చెందిన ప్రముఖ ఆటోమొబైల్ కంపెనీ రెనో (Renault) టైబర్, క్విడ్, కిగర్ 2024 మోడల్ కార్లను మార్కెట్లోకి తెచ్చింది. వీటిలో అనేక ఫీచర్లను యాడ్ చేసింది. ఈ అప్డేటెడ్ కారుల్లో క్విడ్ అనేది ఒక కాంపాక్ట్ హ్యాచ్బ్యాక్; ట్రైబర్ ఒక కాంపాక్ట్ ఎంపీవీ కార్; కిగర్ ఒక కాంపాక్ట్ సెడాన్. వీటి పూర్తి వివరాలు ఇప్పుడు తెలుసుకుందాం.
1. Renault Kwid Features : రెనో క్విడ్ 2024 మోడల్ RXL(O) వేరియంట్ AMT ట్రాన్స్మిషన్తో వస్తుంది. దీనిలో 8 అంగుళాల టచ్స్క్రీన్ ఇన్ఫోటైన్మెంట్ సిస్టమ్ను అమర్చారు. ఈ క్విడ్ కారు 3 సరికొత్త డ్యూయెల్-టోన్ కలర్ ఆప్షన్లతో లభిస్తుంది.
Renault Kwid Price : రెనో క్విడ్ ధర రూ.4.70 లక్షల నుంచి రూ.6.12 లక్షల (ఎక్స్-షోరూమ్) ప్రైజ్ రేంజ్లో ఉంటుంది.
2. Renault Triber Features : ఈ రెనో ట్రైబర్ కారును కొత్తగా స్టీల్త్ బ్లాక్ ఎక్స్టీరియర్ పెయింట్ స్కీమ్తో తీసుకువచ్చారు. దీనిలో డ్రైవర్ సీట్ ఆర్మ్రెస్ట్, పవర్డ్ వింగ్ మిర్రర్స్, ఏడు ఆంగుళాల టీఎఫ్టీ ఇన్స్ట్రుమెంట్ కన్సోల్, వైర్లెస్ స్మార్ట్ఫోన్ ఛార్జర్ లాంటి అనేక కొత్త ఫీచర్లను పొందుపరిచారు.
రెనో అప్డేటెడ్ ట్రైబర్ RXL వేరియంట్లో రియర్ వైపర్, రివర్స్ పార్కింగ్ కెమెరా, రియర్ ఎయిర్కండిషనింగ్ వెంట్స్, పీఎమ్ 2.5 ఎయిర్ ఫిల్టర్స్ను అమర్చారు. ఈ ట్రైబర్ కారు, రెనోకు సంబంధించి భారతదేశంలోనే బెస్ట్ సెల్లర్గా ఉంది.
Renault Triber Price : మార్కెట్లో ఈ రెనో ట్రైబర్ కారు ధర రూ.6 లక్షల నుంచి రూ.11 లక్షల రేంజ్లో ఉంటుంది.
3. Renault Kiger Features : రెనో కిగర్ RXL వేరియంట్ మాన్యువల్, ఏఎంటీ ఛాయిస్ల్లో లభిస్తుంది. RXT (O) వేరియంట్ టర్బో మాన్యువల్, సీవీటీ ఆప్షన్లలో దొరుకుతుంది. ఈ అప్డేటెడ్ రెనో కిగర్ కారులో ఆటో-డిమ్మింగ్ రియర్ వ్యూ మిర్రర్, లెథెరెట్ స్టీరింగ్ వీల్, సెమీ-లెథెరెట్ సీట్ అప్హోల్స్టెరీ, పవర్డ్ అవుట్సైడ్ రియర్ వ్యూ మిర్రర్స్ అమర్చారు.
Renault Kiger Price : మార్కెట్లో ఈ రెనో కిగర్ కారు ధర రూ.6.50 లక్షల నుంచి రూ.11.23 లక్షల వరకు ఉంటుంది.
రెనో కంపెనీ వచ్చే మూడేళ్లలో న్యూ జనరేషన్ డస్టర్, ఒక 7 సీటర్ మిడ్సైజ్ ఎస్యూవీ సహా, ఒక లోకలైజ్డ్ ఎలక్ట్రిక్ కారును తెచ్చేందుకు సన్నాహాలు చేస్తోంది.
కొత్త ఏడాదిలో క్రెడిట్ కార్డ్ రూల్స్ ఛేంజ్ - ఇకపై లాంజ్ యాక్సెస్ కష్టమే!
ముందుగా అప్పు తీర్చలా? పెట్టుబడులు పెట్టాలా? - ఏది బెస్ట్ ఛాయిస్!
