డెబిట్ కార్డు లేకున్నా.. ఏటీఎం నుంచి క్యాష్​ విత్​డ్రా చేసుకోవడం ఎలా?

Cash withdraw without ATM card : మీరు ఏటీఎం నుంచి క్యాష్ విత్​డ్రా చేసుకోవడానికి డెబిట్​ కార్డు వాడుతున్నారా? ఒక్కో సారి ఇంట్లో ఏటీఎం కార్డు మర్చిపోయి ఇబ్బంది పడుతున్నారా? అయితే ఇప్పుడు ఆ సమస్య తీరినట్లే.. డెబిట్​కార్డు లేకుండా ఏటీఎం నుంచి చాలా సులువుగా డబ్బులు విత్​డ్రా చేసుకోవచ్చు. అది ఎలాగో తెలుసుకుందామా?

Card less ATM Withdrawal : డెబిట్​ కార్డు లేకున్నా.. యూపీఐ ద్వారా ఏటీఎం నుంచి డబ్బులు విత్​డ్రా చేసుకునేందుకు ఎస్​బీఐ అవకాశం కల్పిస్తోంది. తమ బ్యాంకు ఖాతాదార్లతోపాటు ఇతర బ్యాంకుల కస్టమర్లకు కూడా ఈ అవకాశం ఇస్తోంది. ఇందుకోసం ఎస్​బీఐ యోనో యాప్​ను అప్​గ్రేడ్ చేసింది. ఇప్పుడు ఎవ్వరైనా యోనో యాప్​లోని 'యూపీఐ క్యూఆర్ క్యాష్' ఆప్షన్​ను ఎంచుకొని ఏటీఎం నుంచి డబ్బులు విత్​డ్రా చేసుకోవచ్చు.

యోనో యాప్​ ద్వారా క్యాష్​ విత్​డ్రా ఎలా?

• యోనో యాప్​ను గూగుల్​ ప్లేస్టోర్​ నుంచి డౌన్​లోడ్​ చేసుకోవాలి. ఏటీఎం కార్డు లేదా ఇంటర్​నెట్ బ్యాంకింగ్ ద్వారా యాప్​లో రిజిస్ట్రేషన్​ పూర్తి చేయాలి.
• రిజిస్ట్రేషన్​ పూర్తి చేసిన తరువాత 6 నంబర్లు ఉండే ఎంపిన్​ను సెట్​ చేసుకోవాలి. యోనో యాప్​లో లాగిన్ కావడానికి కచ్చితంగా ఈ ఎంపిన్​ ఉండాలి.
• యోనో యాప్​లో లాగిన్​ కావడానికి మరో ఆప్షన్ కూడా ఉంది. ఇంటర్నెట్​ బ్యాంకింగ్​ యూజర్​ నేమ్​, పాస్​వర్డ్​లతో కూడా యోనో యాప్​లో లాగిన్​ అవ్వడానికి అవకాశం ఉంది. అయితే ఎంపిన్​ వాడడం సులభంగా ఉంటుంది.
• యోనో యాప్​లో లాగిన్ అయిన తరువాత అందులో 'యోనో క్యాష్'​ లేదా 'యూపీఐ క్యూఆర్​ క్యాష్'​ ఆప్షన్​ కనిపిస్తుంది. దీనిని ఎంచుకొని.. 'రిక్వెస్ట్​ టు యోనో క్యాష్'​ ఆప్షన్​పై క్లిక్​ చేయండి.
• ఇప్పుడు మీరు యాప్​లో యోనో క్యాష్​ పిన్​ సెట్​ చేసుకోవాల్సి ఉంటుంది. ఈ పిన్​లో ఆరు అంకెలు ఉంటాయి. పిన్ సెట్​ చేసుకున్న తరువాత మీకు యోనో క్యాష్​ ట్రాన్సాక్షన్​ నంబర్​ వస్తుంది. ఇది కూడా ఆరు నంబర్స్​ కలిగి ఉంటుంది.
• యోనో క్యాష్​ పిన్​, యోనో క్యాష్​ ట్రాన్సాక్షన్​ పిన్​లను సెట్​ చేసుకున్న తరువాత దగ్గరలోని ఎస్​బీఐ ఏటీఎం సెంటర్​కు వెళ్లి.. డిబిట్​కార్డు లేకుండానే డబ్బులు విత్​డ్రా చేసుకోవచ్చు.
• మరో ముఖ్య విషయం ఏమిటంటే.. ఈ యోనో యాప్​ ద్వారా మీకు దగ్గరల్లో ఉన్న ఏటీఎం సెంటర్​ గురించి తెలుసుకోవచ్చు.

ఏటీఎం నుంచి క్యాష్​ విత్​డ్రా ఎలా చేయాలంటే?
YONO Cash Withdrawal Process : ఏటీఎం స్క్రీన్​పై యోనో క్యాష్​ అనే ఆప్షన్​ కనిపిస్తుంది. డబ్బులు విత్​డ్రా చేయాలనుకుంటే దీనిపై క్లిక్​ చేయాలి. తరువాత యోనో క్యాష్​ ట్రాన్సాక్షన్​ నంబర్​ను ఎంటర్ చేయాలి. తరువాత యోనో క్యాష్​ పిన్​ నంబర్​ను ఎంటర్​ చేయాలి. వెంటనే ఏటీఎం మిషన్ నుంచి డబ్బులు విత్​డ్రా అవుతాయి.

కార్డ్ లెస్​ క్యాష్​ ట్రాన్సాక్షన్స్​
ఎస్​బీఐ త్వరలోనే డెబిట్ కార్డులను నిలుపుదల చేయాలని భావిస్తోంది. అదే సమయంలో ఆన్​లైన్ చెల్లింపులకు, ఏటీఎం నుంచి నగదు తీసుకోవడానికి వీలుగా యోనో యాప్​ను అప్​గ్రేడ్ చేసింది. ఈ యాప్​ ద్వారా ఎస్​బీఐ కస్టమర్ల మాత్రమే కాదు.. వేరే బ్యాంకు ఖాతాదారులు కూడా ఎస్​బీఐ ఏటీఎం నుంచి డబ్బులు విత్​డ్రా చేసుకోవడానికి వీలును కల్పిస్తోంది.

ఇవీ చదవండి :