How To Reduce Motor Insurance Premium : వాహనం కొనుగోలు చేసేటప్పుడే తప్పనిసరిగా తీసుకోవాల్సిన వాటిల్లో వాహన బీమా ఒకటి. ఈ పాలసీని తీసుకోవటం వల్ల అనుకోకుండా మన వాహనాలకు ఏదైనా ప్రమాదం జరిగితే ఆ మొత్తాన్ని సదరు బీమా సంస్థ భరిస్తుంది. అంటే మనం నష్టపోయిన డబ్బును పరిహారంగా చెల్లిస్తుంది. అయితే కొన్నిసార్లు వీటికి కట్టే ప్రీమియం అధిక మొత్తంలో ఉండటం వల్ల చాలామంది వాహనదారులకు ఇది ఆర్థిక భారంగా మారుతుంది. అయితే ఆఫ్లైన్ కంటే ఆన్లైన్లోనే ఈ పాలసీలను తీసుకోవటం లేదా రెన్యూవల్ చేయించటం ద్వారా కొంత తక్కువ మొత్తానికే వీటిని పొందవచ్చు. ఈ సౌకర్యాన్ని పొందేందుకు ప్రత్యేకమైన ఆపర్లను సైతం ప్రకటిస్తుంటాయి ఇన్సూరెన్స్ కంపెనీలు. వీటిని తెలుసుకోవటం ద్వారా తక్కువ ధరకే పాలసీలను పొందే వీలుంటుంది. మరి ఈ సౌలభ్యాన్ని పొందాలంటే మీరు తప్పక అనుసరించాల్సిన ఆ ఐదు విషయాలేంటో ఇప్పుడు చూద్దాం.
పాలసీలను పోల్చి చూడండి
మీరు ఆఫ్లైన్లో పాలసీలను కొనుగోలు చేసేటప్పుడు ఆన్లైన్లో అందుబాటులో ఉన్నవాటితో పోల్చి చూడండి. ఇలా చేయటం ద్వారా కొత్త పాలసీలు అవి అందించే కవరేజ్ అంశాలపై అవగాహన వస్తుంది. ఇలా చేయడం వల్ల మనం కట్టే ప్రీమియం ఖర్చు తగ్గటమే కాకుండా అదనపు కవరేజీలున్న మంచి పాలసీని మనం ఎంచుకోవచ్చు. ఇంటర్నెట్లో పాలసీల మధ్య తేడాలు స్పష్టంగా తెలుస్తాయి. కాబట్టి మనకు తక్కువ రేటులో లభించే ఇన్సూరెన్స్ ఏదో తెలుసుకొని దానిని కొనుగోలు చేయడం ఉత్తమం.
నో క్లెయిమ్ బోనస్
మీ గత పాలసీకి సంబంధించి ఒకవేళ మీరు ఎటువంటి క్లెయిమ్ను పొందనట్లయితే మీ పాలసీ రెన్యూవల్ సమయంలో భారీ తగ్గింపును పొందవచ్చు. సాధారణంగా ఇన్సూరెన్స్ సమయంలో ఎటువంటి క్లెయిమ్ చేయని కస్టమర్లకు బీమా కంపెనీలు ఈ రకమైన ఆఫర్లను అందిస్తుంటాయి.
బీమా ప్రమోషన్లను తెలుసుకోండి
వాహన బీమా కంపెనీలు తమ ప్లాన్లను ప్రమోషన్ చేసే సమయంలో భారీ తగ్గింపులు వాహనదారులకు అందిస్తుంటాయి. ఆన్లైన్లో వీటిపై ఓ దృష్టి పెట్టండి. ఈ ఆఫర్లు క్యాష్బ్యాక్లు, డిస్కౌంట్లు ఏ రూపంలోనైనా ఉండవచ్చు. సాధారణంగా ఈ రకం ఆఫర్లు ఎక్కువ శాతం ఆన్లైన్లోనే అందుబాటులో ఉంటాయి. కనుక బీమా కంపెనీల వైబ్సైట్లను, వాటికి సంబంధించిన సోషల్ మీడియా ఖాతాలను తరచు చెక్ చేస్తూ ఉండండి.
ఒకే కంపెనీ దగ్గర తీసుకొండి
చాలావరకు ఇన్సూరెన్స్ కంపెనీలు వివిధ రకాలైన పాలసీలకు కలిపి ప్రత్యేక మినహాయింపుల్ని అందిస్తాయి. అందువల్ల ఫోర్ వీలర్, టూ వీలర్, ఇల్లు వీటన్నింటికీ కలిపి ఒకే కంపెనీ వద్ద పాలసీలను తీసుకోవటానికి ప్రాధాన్యత ఇవ్వండి. దీనివల్ల ప్రత్యేకమైన రాయితీలను పొందవచ్చు. ఈ విధంగా డిస్కౌంట్స్ ఇచ్చే కంపెనీలను వెతకండి. ఈ పద్ధతి ద్వారా మీకు డబ్బు ఆదా అవ్వడమే కాకుండా మీ అన్ని పాలసీలను ఒకే ప్లాట్ఫామ్పై చెల్లించేందుకు అవకాశం ఉంటుంది.
దీనిని పెంచుకోండి
మీరు కారు లేదా బైక్కు ఇన్సూరెన్స్ చేసే సమయంలో మీరు చెల్లించే కొంత మొత్తాన్ని ఇన్సూరెన్స్ సంస్థ క్లైయిమ్ పరిగణలోకి తీసుకోదు. దీనిని వాలంటరీ డిడెక్టబుల్ అంటారు. దీనిని ఎంచుకోవటం ద్వారా మీ ఇన్సూరెన్స్ ప్రీమియం భారీగా తగ్గుతుంది. అయితే మీకు ఎటువంటి ఇబ్బందులు లేకుండా చెల్లించే విధంగానే డిడెక్టబుల్ ఆఫ్షన్ను ఎంచుకోండి.
విదేశాల్లోనూ గూగుల్ పే సేవలు- తగ్గనున్న ఛార్జీల భారం
బ్యాంకు రుణాలపై ఎన్నో ఛార్జీలు- ఏ లోన్పై ఎంత వేస్తారో తెలుసా?
