How To Download Voter ID Card Online : ఓటర్ ఐడీ కోసం కొత్తగా దరఖాస్తు చేసుకొని ఫిజికల్ కార్డు కోసం ఎదురు చూస్తున్న వారికి శుభవార్త వినిపించింది కేంద్ర ఎన్నికల సంఘం. ఈ-ఓటరు గుర్తింపు కార్డు (ఈ-ఎపిక్‌)ను మొబైల్ లేదా ల్యాప్టాప్ లేదా కంప్యూటర్ సాయంతో సులువుగా ఆన్లైన్లోనే డౌన్లోడ్ చేసుకునేందుకు అవకాశం కల్పించింది. ఇందుకోసం వెబ్‌సైట్‌లో పలు కీలక మార్పులు చేసింది. తాజాగా తెచ్చిన ఈ విధానంలో మొబైల్ నంబరు నమోదుతో క్షణాల్లో ఈ-ఓటరు గుర్తింపు కార్డును పొందవచ్చు. ఓటు హక్కును వినియోగించేందుకు అది చెల్లుబాటు అవుతుందని కేంద్ర ఎన్నికల సంఘం ప్రకటించింది.
ఆన్లైన్లో ఈ-ఓటరు ఐడీని పొందండిలా..
How To Download Voter Id Card Online Sitting At Home :
- ముందుగా NVSP పోర్టల్ https://voters.eci.gov.in/లోకి లాగిన్ అవ్వాలి.
- తర్వాత హోమ్ పేజ్లో ఉన్న 'E-Epic Download' ఆప్షన్ను ఎంచుకోవాలి.
- అనంతరం స్క్రీన్పై అడిగే విధంగా మీ మొబైల్ నంబర్ లేదా ఈ-మెయిల్ ఐడీ లేదా EPIC నంబర్ను ఎంటర్ చేసి సబ్మిట్ బటన్ నొక్కండి.
- తరువాత 'Request OTP'పై క్లిక్ చేస్తే మీ ఫోన్కు ఓ ఓటీపీ వస్తుంది.
- ఈ OTPని నిర్దేశించిన బాక్స్లో నమోదు చేయాలి.
- చివరగా డిజిటల్ ఓటర్ ఐడీ కార్డును డౌన్లోడ్ చేసుకునేందుకు 'Download e-EPIC' అనే ఆప్షన్పై క్లిక్ చేయండి.
- దీంతో మీరు ఇంట్లో కూర్చొనే సులువుగా ఓటర్ ఐడీని పీడీఎఫ్ ఫార్మాట్లో పొందవచ్చు.
- ఒకవేళ ఫిజకల్ కార్డు కావాలనుకునే వారు దగ్గర్లోని మీ-సేవా లేదా ఇంటర్నెట్ కేంద్రానికి వెళ్లి ఓటర్ ఐడీ కార్డును భౌతికంగా పొందవచ్చు.
తప్పిన తిప్పలు..
పీడీఎఫ్ ఫార్మాట్లో ఉండే ఈ-డిజిటల్ ఓటర్ పత్రం అన్ని ధ్రువపత్రాల మాదిరిగానే ఎక్కడైనా చెల్లుబాటు అవుతుంది. ఈ ప్రక్రియతో ఎన్నికల సంఘం పంపే ఓటరు గుర్తింపు కార్డు కోసం రోజుల తరబడి ఎదురుచూడాల్సిన అవసరం తప్పుతుంది. ఈ సౌలభ్యం గతంలోనూ ఉన్నప్పటికీ.. అది ఆమోదం పొందేందుకు చాలా సమయం పట్టేది. నమోదిత వివరాలు సంబంధిత అసెంబ్లీ నియోజకవర్గ ఎన్నికల అధికారి ఆమోదించిన తరువాతే ఆ ప్రక్రియ పూర్తయ్యేది.
