Honda Elevate Launch details : ప్రముఖ ఆటోమొబైల్ కంపెనీ హోండా మంగళవారం దిల్లీలో తన మిడ్ రేంజ్ కారు 'ఎలివేట్' మోడళ్లను ప్రదర్శించింది. 4.3 మీటర్లు పొడవుతో, 1.5 లీటర్ల సామర్థ్యం కలిగిన నాలుగు సిలిండర్ VTEC పెట్రోల్ ఇంజిన్లతో ఈ కారు ఉంటుందని పేర్కొంది. మంచి సేఫ్టీ ఫీచర్లతో, అధునాతన టెక్నాలజీతో దీనిని తీసుకొస్తున్నట్లు వెల్లడించింది.
జులైలో బుకింగ్స్.. అక్టోబర్లో లాంఛ్
హోండా ఎలివేట్ అక్టోబర్లో మార్కెట్లోకి రానుంది. అయితే వచ్చే నెల జులై నుంచే అధికారిక బుకింగ్లు ప్రారంభం కానున్నాయి.
భారీ పోటీ :
హ్యూందాయ్ క్రెటా, కియా సెల్టోస్, మారుతి సుజుకి గ్రాండ్ విటారా, టొయోటా అర్బన్ క్రూయిజర్ హైరైడర్, ఎమ్జీ ఆస్టోర్, వోక్సోవ్యాగన్ టైగన్, స్కోడా కుషాక్ లాంటి ప్రముఖ బ్రాండ్ కార్లతో పోటీపడే సెగ్మెంట్లోకి ఈ హోండా ఎలివేట్ వస్తోంది.
Honda Elevate specifications :
హోండా ఎలివేట్ కస్టమర్ల అభిరుచి మేరకు అనేక రంగుల్లో అందుబాటులో ఉంటుంది. అయితే 5 సీట్లు కలిగి ఉండే హోండా ఎలివేట్ కాస్త ఖరీదైనది.
హోండా ఎలివేట్లో వైర్లెస్ యాపిల్ కార్ప్లే, ఆండ్రాయిడ్ ఆటో సపోర్టు ఉన్న 10.25 అంగుళాల టచ్ స్క్రీన్ ఇన్ఫోటైన్మెంట్ సిస్టమ్, ఏడు అంగుళాల హెచ్డీ టీఎఫ్టీ ఇన్స్ట్రుమెంట్ కన్సోల్తో పాటు ప్రీమియం క్యాబిన్ కూడా ఉంది.
ఆటోమేటిక్ క్లైమేట్ కంట్రోల్ సిస్టమ్, హెడ్రెస్ట్లు, ఎయిర్ కండీషనింగ్ వెంట్స్, ఆరు ఎయిర్ బ్యాగులు, ADAS ఆధారంగా పనిచేసే డ్రైవర్ సపోర్ట్, సేఫ్టీ ఉంటాయి. సింగిల్ పాన్ సన్రూఫ్, కూల్డ్ గ్లవ్బాక్స్, 360 డిగ్రీ కెమెరాను ఈ హోండా ఎలివేట్లో పొందుపరిచారు.
హోండా ఎలివేట్లో సరికొత్త CR-V, WR-V డిజైన్లను అనుసరించినట్లు స్పష్టంగా తెలుస్తుంది. దీనిలో ప్రధానంగా 17 అంగుళాల అలాయ్ చక్రాలు, మస్కులర్ సైడ్ బాడీ క్లాడింగ్, వీల్ ఆర్చ్లు, మంచి దృఢమైన రూఫ్ పట్టాలు అన్నీ బాగున్నాయి.
Honda Elevate Engine Specifications :
- ఇంజిన్ - 1.5ఎల్ ఎన్ఏ ఫోర్ సిలెండర్ పెట్రోల్
- పవర్ - 121 పీఎస్
- టార్క్ -145 ఎన్ఎమ్
- ట్రాన్స్మిషన్ - సిక్స్ స్పీడ్ ఎమ్టీ/సీవీటీ
Safety Features in Honda Elevate :
లెవెల్ 2 ఏడీఏఎస్ టెక్ బ్రేకింగ్ సిస్టమ్, లేన్ కీప్ అసిస్ట్, ఆటో హై బీమ్, రోడ్ డిపార్చర్ మిటిగేషన్, అడాప్టివ్ క్రూయిజ్ కంట్రోల్ మొదలైనవన్నీ ఈ ఎలివేట్లో ఉన్నాయి. ఇవే కాకుండా లేన్ వాచ్ కెమెరా, రియర్ సీట్ రిమైండర్, వెహికల్ స్టెబిలిటీ అసిస్ట్, హిల్ స్టార్ట్ అసిస్ట్, ఎమర్జెన్సీ సిగ్నల్ లాంటి భద్రతా ఫీచర్లు ఉన్నాయి. స్మార్ట్ వాచ్ కనెక్టివిటీ, హోండా కనెక్ట్ యాప్ ఫంక్షనాలిటీ కూడా ఇందులో ఉన్నాయి.
Honda Elevate Price ఎంతంటే?
మధ్య తరహా SUV విభాగంలో హోండా ఎలివేట్ మంచి ప్రభావం చూపుతుందని నిపుణలు అంచనా వేస్తున్నారు. దీని ధర రూ.10.50 లక్షల నుంచి రూ.20 లక్షల మధ్య ఉండొచ్చు అని అంచనా.
ఇవీ చూడండి:
