అమెరికాకు చెందిన ఈటన్ ఫార్మాసూటికల్స్తో భారీ ఒప్పందం కుదుర్చుకున్నట్లు డాక్టర్ రెడ్డీస్ లాబోరేటరీస్ ప్రకటించింది. 50 మిలియన్ డాలర్లకు బ్రాండెడ్, జెనరిక్ ఇంజెక్టబుల్ ఉత్పత్తులను కొనుగోలు చేసినట్లు డాక్టర్ రెడ్డీస్ సంస్థ శుక్రవారం తెలిపింది. సుమారు 5 మిలియన్ డాలర్లు వెంటనే చెల్లించడంతో పాటు మిగతా 45 మిలియన్ డాలర్లు తర్వాత చెల్లించేలా ఒప్పందం చేసుకున్నారు. ఈ ఒప్పందం రోగులకు సరసమైన ధరకే మందులను అందించేలా ప్రోత్సహిస్తుందని కంపెనీ పేర్కొంది. ఏప్రిల్ 2022 నాటికి అమెరికాలో ఈ ఉత్పత్తుల మార్కెట్ విలువ సుమారు 174 మిలియన్ డాలర్లని సంస్థ చెప్పింది.
"కొవిడ్ మహమ్మారికి చాలా కాలం ముందు.. కొన్ని క్రిటికల్ కేర్ ఉత్పత్తుల గురించి ఆసుపత్రులు ఆందోళనలు చెందేవి. ఈ ఒప్పందంతో అనేక మందులు రోగులకు అందుబాటులో ఉంటాయి. ఈ కారణంతో పాటు అనేక ఇతర కారణాల వల్ల ఈ ఒప్పందం చేసుకున్నాం. వ్యాపారాన్ని పెంచుకోవడానికి ఇది ఉపయోగపడుతుంది."
- మార్క్ కికుచి, రెడ్డీస్ లాబోరేటరీస్
ఇదీ చదవండి: కార్లకు ఇకపై 'స్టార్ రేటింగ్స్'.. కేంద్రం కొత్త రూల్స్!
