Commercial LPG Prices Cut : కేంద్ర ప్రభుత్వం కమర్షియల్ ఎల్పీసీ గ్యాస్ వినియోగదారులకు గుడ్ న్యూస్ చెప్పింది. 19 కేజీల కమర్షియల్ గ్యాస్ సిలిండర్ ధరను రూ.39.50 మేర తగ్గిస్తూ నిర్ణయం తీసుకుంది. వంట గ్యాస్ ధరలు మాత్రం యథాతథంగా ఉంచింది. ప్రస్తుతం 14.2 కేజీల వంట గ్యాస్ సిలిండర్ ధర రూ.903గా ఉంది.
నగరాలు - గ్యాస్ సిలిండర్ ధరలు
Commercial LPG Gas Price Today : కమర్షియల్ ఎల్పీజీ గ్యాస్ సిలిండర్లను హోటల్స్, రెస్టారెంట్లు లాంటి వాటిల్లో వాడతారు. తాజా తగ్గిన కమర్షియల్ ఎల్పీజీ సిలిండర్ ధరలు నేటి నుంచే అమల్లోకి రానున్నాయి. దీనితో దిల్లీలో రిటైల్ 19కేజీ కమర్షియల్ ఎల్పీజీ సిలిండర్ ధర రూ.1,796.50 నుంచి రూ.1757లకు తగ్గింది.
రిటైల్ 19కేజీ కమర్షియల్ ఎల్పీజీ సిలిండర్ ధరలు కోల్కతాలో రూ.1,868.50కు, చెన్నైలో రూ.1929, ముంబయిలో రూ.1,710కు చేరుకున్నాయి.
ఓవర్ సప్లై
భారత్ - సౌదీ అరేబియా మధ్య ఉన్న ఎల్పీజీ కాంట్రాక్ట్ ప్రైస్ బాగా తగ్గింది. సౌదీ నుంచి భారత్కు ఎల్పీజీ ఓవర్ సప్లై కావడమే ఇందుకు కారణం.
ప్రతినెలా ఒకటో తారీఖున
ప్రభుత్వ రంగ చమురు సంస్థలైన ఇండియన్ ఆయిల్ కార్పొరేషన్ (IOC), భారత్ పెట్రోలియం కార్పొరేషన్ లిమిటెడ్ (BPCL), హిందూస్థాన్ పెట్రోలియం కార్పొరేషన్ లిమిటెడ్ (HPCL)లు ప్రతి నెల 1వ తేదీన వంటగ్యాస్, ఏటీఎఫ్ ధరలను సవరిస్తూ ఉంటాయి. అందులో భాగంగా తాజాగా కమర్షియల్ వంట గ్యాస్ ధరలను స్వల్పంగా తగ్గించాయి.
పెట్రోల్, డీజిల్ ధరలు యథాతథం : ప్రభుత్వ రంగ చమురు సంస్థలు రికార్డు స్థాయిలో గత 21 నెలలుగా పెట్రోల్, డీజిల్ ధరలను యథాతథంగానే ఉంచుతున్నాయి. ప్రస్తుతం దిల్లీలో లీటర్ పెట్రోల్ ధర రూ.96.72, లీటర్ డీజిల్ ధర రూ.89.62లుగా ఉంది.
ఎల్పీజీ సిలిండర్ ధరలను ఎలా, ఎక్కడ చెక్ చేయవచ్చు?
How To Check LPG Gas Rate Online : ఎల్పీజీ సిలిండర్ అసలు ధరలను తెలుసుకోవాలనుకుంటే, ఇండియన్ ఆయిల్ అధికారిక వెబ్సైట్ https://iocl.com/prices-of-petroleum-products లో చూడవచ్చు. ఇదే వెబ్సైట్లో ఎల్పీజీ ధరలతోపాటు, జెట్ ఫ్యూయెల్, ఆటో గ్యాస్, కిరోసిన్ మొదలైన ఇంధనాల ధరలను కూడా తెలుసుకోవచ్చు.
రూ.15 లక్షల బడ్జెట్లో మంచి కారు కొనాలా? టాప్-10 మోడల్స్ ఇవే!
అర్జెంట్గా లోన్ కావాలా? మీ LIC పాలసీపై తక్కువ వడ్డీకే రుణం పొందండిలా!
