BSNL Prepaid Recharge Plans : భారత్ సంచార్ నిగమ్ లిమిటెడ్ (బీఎస్ఎన్ఎల్) తన వినియోగదారుల కోసం రెండు సరికొత్త బడ్జెట్ ప్లాన్లను తీసుకొచ్చింది. ముఖ్యంగా 365 రోజుల వ్యాలిడిటీతో ఒక ప్లాన్, 366 రోజుల వ్యాలిడిటీతో మరో ప్లాన్ను తీసుకొచ్చింది. వీటి ద్వారా బీఎస్ఎన్ఎల్ వినియోగదారులకు వాయిస్ కాల్స్, ఇంటర్నెట్ డేటా, ఎస్ఎంఎస్ ప్రయోజనాలు అందిస్తోంది. ప్రస్తుతం మార్కెట్లో ఉన్న మిగతా టెలికాం కంపెనీలు అందిస్తున్న అన్ని యాన్యువల్ ప్లాన్స్ కంటే వీటి ధర చాలా తక్కువ కావడం విశేషం.
రూ.1198 బీఎస్ఎన్ఎల్ ప్లాన్
BSNL Plan Voucher 1198 : బీఎస్ఎన్ఎల్ రూ.1198లకు 365 రోజుల వ్యాలిడిటీ ఉన్న ప్లాన్ను అందిస్తోంది. దీని ద్వారా చందాదారులు సంవత్సరమంతా బీఎస్ఎన్ఎల్ ప్రయోజనాలు పొందవచ్చు. ముఖ్యంగా ఈ ప్లాన్ తీసుకున్న యూజర్లు 300 నిమిషాల పాటు ఎనీ-నెట్ వాయిస్ కాల్స్ చేసుకోవచ్చు. అంతేకాదు 3జీబీ వరకు నెలవారీ హైస్పీడ్ డేటా పొందుతారు. అలాగే యూజర్లు నెలకు 30 ఎస్ఎంఎస్లు వరకు ఉపయోగించుకోవచ్చు. వాస్తవానికి హోమ్ లొకేషన్లో ఈ ప్లాన్ ప్రయోజనాలపై ఎలాంటి పరిమితి లేదు. కానీ నేషనల్ రోమింగ్ ఛార్జీలు మాత్రం అదనంగా చెల్లించాల్సి ఉంటుంది. అలాగే ముంబయి, దిల్లీ లాంటి MTNL ఏరియాల్లోనూ అదనపు ఛార్జీలు చెల్లించాల్సి ఉంటుంది.
వ్యాలిడిటీ కలుస్తుంది!
BSNL 1198 plan details : ఒక బీఎస్ఎన్ఎల్ యూజర్ రూ.1198లతో రీఛార్జ్ చేసుకున్నాడని అనుకుందాం. ఒక వేళ అతను ఈ ప్లాన్ వ్యాలిడిటీ పూర్తికాకుండానే.. మరోసారి ఇంతే మొత్తానికి రీఛార్జ్ చేసుకున్నాడని అనుకుందాం. అప్పుడు కూడా యూజర్ ఎలాంటి నష్టానికి గురికాడు. ఎందుకంటే వ్యాలిడిటీ అక్యుములేషన్ జరిగి.. అతను పూర్తి కాలం పాటు బీఎస్ఎన్ఎల్ సేవలు పొందడానికి అవకాశం ఏర్పడుతుంది.
పరిమితి ఉంది!
BSNL 1198 plan limits : వాస్తవానికి రూ.1198 బీఎస్ఎన్ఎల్ ప్రీపెయిడ్ ప్లాన్లో వాయిస్ కాలింగ్పై పరిమితి ఉంది. అలాకాకుండా మీరు పూర్తి స్థాయిలో వాయిస్ కాలింగ్ సదుపాయం కావాలనుకుంటే.. అప్పుడు మీరు రూ.1499 బీఎస్ఎన్ఎల్ ప్రీపెయిడ్ ప్లాన్ను ఎంచుకోవాల్సి ఉంటుంది.
రూ.1499 బీఎస్ఎన్ఎల్ ప్లాన్!
BSNL Plan Voucher 1499 : ఈ ప్లాన్ వ్యాలిడిటీ 366 రోజులు. దీని ద్వారా యూజర్లు అన్లిమిటెడ్ వాయిస్ కాలింగ్ సదుపాయాన్ని పొందుతారు. దీనితో పాటు చందాదారులకు 366 రోజుల పాటు రోజుకు 100 ఎస్ఎంఎస్లు చొప్పున లభిస్తాయి. 24 జీబీ హైస్పీడ్ ఇంటర్నెట్ డేటా కూడా ఏకమొత్తంగా లభిస్తుంది.
బీఎస్ఎన్ఎల్ వినియోగదారులు ఈ ప్రీపెయిడ్ ప్లాన్లను BSNL అధికారిక వెబ్సైట్ ద్వారా పొందవచ్చు. లేదా బీఎస్ఎన్ఎల్ మొబైల్ యాప్, అథరైజ్డ్ రిటైలర్స్, ఆన్లైన్ రీఛార్జ్ ప్లాట్ఫారమ్స్ల ద్వారా రీఛార్జ్ చేసుకోవచ్చు.
