BSNL 90 days plan : డేటా సెంట్రిక్ ప్రీపెయిడ్ ప్లాన్లకు మంచి గిరాకీ ఉన్న ఈ కాలంలో.. బీఎస్ఎన్ఎల్ ఓ సరికొత్త ప్రీపెయిడ్ ప్లాన్ను తీసుకొచ్చింది. వాయిస్ కాలింగ్కు ప్రాధాన్యత కల్పిస్తూ రూ.439 ప్రీపెయిడ్ ప్లాన్ను తీసుకొచ్చింది. 90 రోజుల వ్యాలిడిటీ ఉన్న ఈ ప్లాన్లో ఎలాంటి డేటాను ఇవ్వడం లేదు. కానీ 300 మెసేజ్లు పంపించుకోవడానికి అవకాశం కల్పిస్తోంది.
టార్గెట్ యూజర్ల కోసం
భారత్ సంచార్ నిగమ్ లిమిటెడ్.. టార్గెట్ యూజర్ల కోసం ఈ సరసమైన ప్రీపెయిడ్ ప్లాన్ను తీసుకొచ్చింది. డేటాను ఎక్కువగా ఉపయోగించని వారు.. ముఖ్యంగా పెద్దవారికి ఈ ప్రీపెయిడ్ ప్లాన్ మంచి ఎంపిక అవుతుంది. దీనిలో ఎలాంటి హిడెన్ ఛార్జెస్ కానీ, అనవరసమైన నిబంధనలు కానీ లేవు. ప్రస్తుతం మార్కెట్లో ఈ సరికొత్త ప్లాన్కు సరిసమానమైన మంచి ప్లాన్స్ లేవని మార్కెట్ వర్గాలు అభిప్రాయపడుతున్నాయి.
త్వరలోనే దేశమంతటా 4జీ
బీఎస్ఎన్ఎల్ త్వరలోనే దేశవ్యాప్తంగా 4జీ నెట్వర్క్ను విస్తరింపజేసేందుకు ప్రయత్నాలు ముమ్మరం చేసింది. ప్రస్తుతం బాగా రెవెన్యూ వస్తున్న ఏరియాల్లో మాత్రమే బీఎస్ఎన్ఎల్ 4జీ సేవలు అందిస్తోంది. కానీ త్వరలోనే దేశవ్యాప్తంగా తీసుకురావడానికి ప్రయత్నిస్తోంది.
జియో నుంచి 2 ప్రీపెయిడ్ ప్లాన్స్
JIO pre paid plans : రిలయన్స్ జియో మరో రెండు కొత్త ప్రీపెయిడ్ ప్లాన్స్ తీసుకొచ్చింది. 90 రోజుల వ్యాలిడిటీతో రూ.749, రూ.899 విలువ గల ప్రీపెయిడ్ ప్లానులు తీసుకొచ్చింది. హెవీ డేటా యూజర్లకు ఇవి మంచి ఎంపికలు అవుతాయి.
- రూ.749 ప్రీపెయిడ్ ప్లాన్ 90 రోజుల వ్యాలిడిటీతో అందిస్తోంది. ఇందులో ప్రతి రోజు 2జీబీ డేటా, 100 ఎస్ఎంఎస్లు అలాగే అపరిమితమైన వాయిస్ కాలింగ్ సదుపాయాలు కల్పిస్తోంది. వీటితో పాటు జియో టీవీ, జియో సినిమా, జియో క్లౌడ్, జియో సెక్యూరిటీలను కూడా ఉచితంగా ఇస్తోంది. అయితే డేటా లిమిట్ పూర్తయిన తరువాత ఇంటర్నెట్ స్పీడ్ 64కేబీపీఎస్కు తగ్గిపోతుంది. రిలయన్స్ జియో ఈ ప్లాన్ తీసుకున్నవారికి కూడా రిలయన్స్ జియో వెల్కమ్ ఆఫర్ను అందిస్తోంది. దీని ద్వారా అపరిమితమైన 5జీ డేటాను యూజర్లు వినియోగించుకోవడానికి అవకాశం కల్పిస్తోంది.
- రూ.899 ప్రీపెయిడ్ ప్లాన్ కూడా రూ.749 ప్లాన్లానే ఉంటుంది. కానీ దీనిలో ప్రతి రోజు 2.5జీబీ డేటాను వాడుకోవచ్చు. మిగతా ఫీచర్లు అన్నీ ఒకేలా ఉంటాయి. రోజూ 100 మెసేజ్లు పంపించవచ్చు. అలాగే జియో టీవీ, జియో సినిమా, జియో క్లౌడ్, జియో సెక్యూరిటీలను కూడా ఉచితంగా పొందవచ్చు. వీటితో పాటు రిలయన్స్ జియో వెల్కమ్ ఆఫర్ ద్వారా అపరిమితమైన 5జీ సేవలు పొందవచ్చు.
ప్రస్తుతం మార్కెట్లో ఉన్న వొడాఫోన్, భారతీ ఎయిర్టెల్ ప్లాన్స్తో పోల్చుకుంటే.. జియో తెచ్చిన ఈ రెండు ప్లాన్లు చౌక అని చెప్పకతప్పదు. దీనితో పాటు అపరిమిత 5జీ డేటాను కూడా వినియోగించుకోవచ్చు.
