Bank Two Weekly Off Update : బ్యాంకు ఉద్యోగులు ఇకపై వారానికి 5 రోజులు అంటే సోమవారం నుంచి శుక్రవారం వరకు మాత్రమే పని చేసే అవకాశం ఉంది. ది యునైటెడ్ ఫోరమ్ ఆఫ్ బ్యాంక్ ఎంప్లాయీస్, ఐబీఏ (ఇండియన్ బ్యాంక్స్ అసోసియేషన్) ఈ మేరకు ఓ అంగీకారానికి వచ్చినట్లు సమాచారం. ఈ ఒప్పందం మేరకు వారంలో 5 రోజులు మాత్రమే బ్యాంకు ఉద్యోగులు పని చేస్తారు. అయితే ఈ వర్కింగ్ డేస్లో మాత్రం అదనంగా కొంత సమయం వారు పనిచేయాల్సి ఉంటుంది.
"నెగోషియబుల్ ఇన్స్ట్రుమెంట్ యాక్ట్లోని సెక్షన్ 25 ప్రకారం, ప్రభుత్వం కచ్చితంగా ప్రతి శనివారాన్ని సెలవు దినంగా ప్రకటించాల్సి ఉంది."
- ఎస్. నాగరాజన్, జనరల్ సెక్రటరీ, ఆల్ ఇండియా బ్యాంక్ ఆఫీసర్స్ అసోసియేషన్
సెలవు దినాల విషయంలో రెండు బ్యాంకు యూనియన్లు ఒక అంగీకారానికి వచ్చినప్పటికీ, ఇది బ్యాంకు ఉద్యోగుల జీతభత్యాలపై ఎలాంటి చర్చ జరగలేదని నాగరాజన్ పేర్కొన్నారు. బ్యాంకు ఉద్యోగులకు 5 రోజుల పనిదినాలు అనే ప్రతిపాదనను ప్రభుత్వం, అలాగే ఆర్బీఐ కచ్చితంగా ఆమోదించాల్సి ఉంటుంది. ఎందుకంటే ఇందులో ఇంటర్బ్యాంక్ యాక్టివిటీస్కు సంబంధించిన అంశాలు చాలా ఉన్నాయి.
అదనపు సమయం పనిచేస్తారు!
Bank working hours : ఒక వేళ వారానికి 5 రోజులు మాత్రమే బ్యాంకు ఉద్యోగులు పనిచేయాల్సి వస్తే, అప్పుడు వారు ప్రతి రోజూ అదనంగా 40 నిమిషాలపాటు విధులు నిర్వహించాల్సి ఉంటుంది. ముఖ్యంగా ఉదయం 9:45 నుంచి 5:30 గంటల వరకు పనిచేయాల్సి వస్తుంది.
స్టాక్ మార్కెట్ల టైమింగ్తో అనుసంధానం కోసమే!
విదేశీ స్టాక్ మార్కెట్ల ట్రేడింగ్ సమయాలతో, మన దేశీయ స్టాక్ మార్కెట్లు అనుసంధానం కావాలని చూస్తున్నాయి. అందుకు అనుగుణంగానే బ్యాంకులు కూడా తమ సమయాలను సర్దుబాటు చేసుకోవాలనే ప్రతిపాదన వచ్చింది.
ప్రస్తుతం బ్యాంకు ఉద్యోగులు ఒక శనివారం తప్పించి, మరో శనివారం పనిచేస్తున్నారు. ఇందువల్ల బ్యాంక్ కస్టమర్లలో చాలా గందరగోళం నెలకొంటోంది. ముఖ్యంగా ఏ శనివారం బ్యాంకులు పనిచేస్తాయో వారు తెలుసుకోలేక సతమతమవుతున్నారు.
వారానికి 5 రోజులు మాత్రమే పని గురించి బ్యాంకు ఉద్యోగులు కూడా చాలా కాలం నుంచి పట్టుబడుతున్నారు. ముఖ్యంగా ఎల్ఐసీ ఐపీఓకు వచ్చే ముందు తమ కార్యాలయాల్లో కూడా 5 పనిదినాలను అమలు చేస్తూ నిర్ణయం తీసుకుంది. అప్పటి నుంచి బ్యాంకు ఉద్యోగుల్లో ఈ డిమాండ్ మరింత పెరిగింది.
ఇంటర్నెట్ బ్యాంకింగ్ బాగా పెరిగింది.. కానీ..
ప్రస్తుతం మన దేశంలో మొబైల్ బ్యాంకింగ్ బాగా పెరిగింది. చెప్పుకోదగిన స్థాయిలో ఏటీఎంలను బ్యాంకులు ఏర్పాటుచేశాయి. ఆన్లైన్ బ్యాంకింగ్ బాగా వృద్ధి చెందింది. అయినప్పటికీ ఇప్పటికీ కొంత మంది కస్టమర్లు బ్యాంకు బ్రాంచులకు వెళ్లి తమ కార్యకలాపాలను కొనసాగిస్తున్నారు. అందుకే బ్యాంకులు తమ కస్టమర్లకు క్యాష్ డిపాజిటింగ్ మెషిన్ల పట్ల, పాస్బుక్ ప్రింటింగ్ పరికరాల పట్ల మరింత అవగాహన కల్పించేందుకు ప్రయత్నిస్తున్నాయి.
విశ్వసనీయ సమాచారం మేరకు, త్వరలోనే కేంద్ర ఆర్థిక మంత్రిత్వ శాఖ, బ్యాంకు ఉద్యోగులు వారంలో 5 రోజులు మాత్రమే పనిచేసే ప్రతిపాదనను అంగీకరించే అవకాశం ఉన్నట్లు తెలుస్తోంది.
ఇవీ చదవండి:
