కరోనా మహమ్మారి విజృంభిస్తున్న తరుణంలో దేశీయ మార్కెట్లు నష్టాల్లో ప్రారంభమయ్యాయి. మాంద్యం భయాలకు తోడు అంతర్జాతీయ మార్కెట్ల నుంచి ప్రతికూల పవనాలతో.. రిలయన్స్ ఇండస్ట్రీస్, హెచ్డీఎఫ్సీ, ఐసీఐసీఐ బ్యాంకు వంటి హెవీ వెయిట్ షేర్లు నష్టాల్లోకి వెళ్లాయి. చమురు ఉత్పత్తి తగ్గించేందుకు ఒపెక్ దేశాలు అంగీకరించటం వల్ల ఆయిల్ ధరల పెరుగుదలతోనూ మదుపర్లు అప్రమత్తంగా వ్యవహరిస్తున్నారు.
బొంబాయి స్టాక్ ఎక్స్చేంజి సూచీ- సెన్సెక్స్ ఓ దశలో 30,541 పాయింట్ల కనీష్ఠాన్ని తాకి.. ప్రస్తుతం 582 పాయింట్లు నష్టంతో 30,578 వద్ద ట్రేడవుతోంది.
జాతీయ స్టాక్ ఎక్స్చేంజి సూచీ- నిఫ్టీ 170 పాయింట్లు కోల్పోయి 8,942 వద్ద కొనసాగుతోంది.
లాభనష్టాల్లోనివి...
బజాజ్ ఫైనాన్స్ అత్యధికంగా 8 శాతం మేర నష్టపోయింది. ఆ తర్వాతి స్థానాల్లో మహీంద్ర అండ్ మహీంద్ర, మారుతి, ఓఎన్జీసీ, టైటాన్, బజాజ్ ఆటో షేర్లు నష్టాల్లోకి వెళ్లాయి.
భారతీ ఎయిర్టెల్, ఎల్అండ్టీ, ఇన్ఫోసిస్, ఎన్టీపీసీ షేర్లు లాభాల్లో కొనసాగుతున్నాయి.
రూపాయి..
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే 8పైసలు క్షీణించి రూ.76.36 వద్ద అమ్ముడవుతోంది.
