వృద్ధి మందగమనంతో మంగళవారం భారీ నష్టాలను మూటగట్టుకుంటున్న దేశీయ మార్కెట్లు నేడు స్వల్ప లాభాల్లో ముగిశాయి. ఉదయం ఒడుదొడుకుల మధ్య ప్రారంభమై.. అంతర్జాతీయ మార్కెట్ల సానుకూల పవనాలతో స్వల్ప లాభాల్లోకి వచ్చాయి.
బొంబాయి స్టాక్ ఎక్ఛ్సేంజి సూచీ- సెన్సెక్స్ 161.83 పాయింట్ల లాభంతో 36, 724.74 వద్ద స్థిరపడింది. జాతీయ స్టాక్ ఎక్ఛ్సేంజి సూచీ-నిఫ్టీ 0.43 శాతం వృద్ధితో 46.75 పాయింట్ల లాభాన్ని మూటగట్టుకుని 10,844.65 వద్ద ముగిసింది.
ఇన్ట్రా డేలో ఓ దశలో 36,776.31 పాయింట్ల గరిష్ఠ స్థాయిని చేరింది సెన్సెక్స్. ఉదయం ఫ్లాట్గా ప్రారంభమైన నిఫ్టి ఓ దశలో 10,858.75 పాయింట్ల గరిష్ఠ స్థాయిని తాకింది.
లాభనష్టాల్లోనివి..
వేదాంత, ఎన్టీపీస్, హెచ్డీఎఫ్సీ బ్యాంకు, హెచ్సీఎస్ టెక్, ఓఎన్జీసీ, ఐసీఐసీఐ బ్యాంకు, భారతీ ఎయిర్టెల్, ఎస్బీఐ, టాటా స్టీల్ సుమారు 2.97 శాతం లాభాలను మూటగట్టుకున్నాయి.
హరియాణాలోని గురుగ్రామ్, మనేసర్ పరిశ్రమల్లో రెండు రోజుల పాటు ఉత్పత్తిని నిలిపివేసినట్లు ప్రకటించిన మారుతి సుజూకీ అత్యధికంగా 3.64 శాతం నష్టపోయింది. సన్ ఫార్మా, టాటా మోటర్స్, బ్రిటానియా, ఎషియన్ పేయింట్స్, ఇండస్ఇండ్ బ్యాంక్, ఎం&ఎం, బజాజ్ ఆటో, ఆర్ఐఎల్ సుమారు 2.97 శాతం నష్టాల్లోకి వెళ్లాయి.
ఇదీ చూడండి: అత్యంత నివాసయోగ్య నగరాల్లో భారత్లో పరిస్థితి ఇదీ..
