అమెరికా- చైనా వాణిజ్య చర్చల్లో పురోగతి, అంతర్జాతీయ సానుకూలతలతో దేశీయ మార్కెట్లు నేడు ప్రారంభ సెషన్లో రికార్డు స్థాయిని తాకాయి. 175 పాయింట్లు ఎగబాకిన సెన్సెక్ 41,185 గరిష్ఠ స్థాయికి చేరింది. 48 పాయింట్ల వృద్ధితో నిఫ్టీ 12 వేల మార్కును దాటింది.
అనంతరం కొద్ది సమయం తర్వతా తిరోగమనం దిశగా సాగాయి సూచీలు.
ప్రస్తుతం బొంబాయి స్టాక్ ఎక్స్ఛేంజి సూచీ-సెన్సెక్స్ 15 పాయింట్ల లాభంతో 41,025 వద్ద ట్రేడవుతోంది.
జాతీయ స్టాక్ ఎక్స్ఛేంజి సూచీ-నిఫ్టీ 6 పాయింట్లు వృద్ధితో 12,092 వద్ద కొనసాగుతోంది.
లాభనష్టాల్లోనివి..
కొటక్ మహీంద్ర సుమారు 2 శాతం మేర లభాల్లో కొనసాగుతోంది. ఆ తర్వాతి స్థానాల్లో హెచ్సీఎల్ టెక్, టెక్ మహీంద్ర, టీసీఎస్, బజాజ్ ఆటో, ఎస్బీఐ లాభాల్లో ట్రేడవుతున్నాయి. అయితే.. సన్ ఫార్మా సుమారు 1.57 శాతం మేర నష్టపోయింది. ఎస్ బ్యాంక్, హెచ్యూఎల్, ఐటీసీ, బజాజ్ ఫినాన్స్, యాక్సిస్ బ్యాంక్ నష్టాల్లో కొనసాగుతున్నాయి.
రూపాయి..
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే 8 పైసలు బలపడి రూ. 70.75 వద్దకు చేరింది.
ఇదీ చూడండి: 'నగదు రహితం'లో అమెరికా, చైనా పోటాపోటీ!
