స్టాక్ మార్కెట్ల వరుస లాభాల జోరుకు బుధవారం అడ్డుకట్ట పడింది. బీఎస్ఈ-సెన్సెక్స్ (Sensex today) అతి స్వల్పంగా 29 పాయింట్లు తగ్గి 54,525 వద్ద స్థిరపడింది. ఎన్ఎస్ఈ-నిఫ్టీ (Nifty today) 2 పాయింట్ల లాభంతో 16,282 వద్ద ఫ్లాట్గా ముగిసింది.
ఇటీవలి వరుస లాభాలను మదుపరులు సొమ్ము చేసుకునే పనిలో పడటం వల్ల సెషన్ మొత్తం ఒడొదడుకులు ఎదుర్కొన్నాయి సూచీలు. చివర్లో కొనుగోళ్లు నమోదవటం కారణంగా తిరిగి దాదాపు ఫ్లాట్గా ముగిశాయి.
ఇంట్రాడే సాగిందిలా (Intraday)..
సెన్సెక్స్ 54,758 పాయింట్ల అత్యధిక స్థాయి, 54,167 పాయింట్ల అత్యల్ప స్థాయిలను నమోదు చేసింది.
నిఫ్టీ 16,338 పాయింట్ల గరిష్ఠ స్థాయి, 16,162 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
టాటా స్టీల్, ఎన్టీపీసీ, పవర్గ్రిడ్, రిలయన్స్ ఇండస్ట్రీస్, బజాజ్ ఫిన్సర్వ్ లాభాలను గడించాయి.
కోటక్ మహీంద్రా బ్యాంక్, బజాజ్ ఆటో, సన్ఫార్మా, నెస్లే, ఐసీఐసీఐ బ్యాంక్ ఎక్కువగా నష్టపోయాయి.
ఇతర మార్కెట్లు
ఆసియాలో ఇతర ప్రధాన మార్కెట్లలో.. షాంఘై (చైనా), నిక్కీ (జపాన్), హాంగ్సెంగ్ (హాంకాంగ్) సూచీలు లాభాలతో ముగిశాయి. కోస్పీ (దక్షిణ కొరియా) మాత్రం నష్టాలను నమోదు చేసింది.
ఇదీ చదవండి: 2020-21 వడ్డీ చెల్లింపుపై ఈపీఎఫ్ఓ క్లారిటీ!
