సౌదీ అరాంకో చమురు శుద్ధి కర్మాగారంపై డ్రోన్ దాడుల నేపథ్యంలో దేశీయ స్టాక్ మార్కెట్లు నష్టాలతో ముగిశాయి. అంతర్జాతీయంగా ముడి చమురు ధరలు భారీగా పెరుగుతాయన్న ఆందోళనల మధ్య మదుపర్లు పెద్దఎత్తున అమ్మకాలకు దిగడమే ఇందుకు ప్రధాన కారణం.
బొంబాయి స్టాక్ ఎక్స్చేంజి సూచీ-సెన్సెక్స్ 261.68 పాయింట్లు పతనమై.. 37,123.31 వద్ద ముగిసింది. జాతీయ స్టాక్ ఎక్స్చేంజి సూచీ-నిఫ్టీ 79.80 పాయింట్లు నష్టపోయి 10,996 వద్ద స్థిరపడింది.
లాభనష్టాల్లోనివివే...
టైటాన్ కంపెనీ, బ్రిటానియా, ఓఎన్జీసీ, టెక్ మహింద్రా, నెస్లే లాభాలు ఆర్జించాయి.
బీపీసీఎల్, ఎం&ఎం, యూపీఎల్, ఎస్బీఐ, ఎస్ బ్యాంకు నష్టాల్లో ముగిశాయి.
రూపాయి..
రూపాయి 60 పైసలు లాభపడి.. డాలర్తో పోలిస్తే మారకం విలువ రూ.71.51 వద్ద ట్రేడవుతోంది.
