అంతర్జాతీయ ప్రతికూలతల వల్ల సోమవారం స్టాక్ మార్కెట్లు భారీ నష్టాలు చవిచూశాయి. బొంబాయి స్టాక్ ఎక్స్చేంజి సూచీ- సెన్సెక్స్ 495.10 పాయింట్లు కోల్పోయి 38 వేల 645 వద్ద ముగిసింది. జాతీయ స్టాక్ ఎక్స్చేంజి సూచీ-నిఫ్టీ 158.30 పాయింట్లు నష్టపోయి 11వేల 594 పాయింట్లకు పడిపోయింది.
ఇరాన్ చమురు దిగుమతులపై అమెరికా తిరిగి ఆంక్షలు విధించనుందన్న వార్తలు మదుపర్లను ఆందోళనకు గురిచేశాయి. ముడి చమురు ధరలు 2.56 శాతం పెరిగాయి. బ్యారెల్ ముడిచమురు ధర 73.81 డాలర్లకు ఎగబాకి గత కొద్ది నెలల గరిష్ఠానికి చేరుకుంది.
నష్టాల్లో...
ఎస్ బ్యాంకు, ఇండస్ ఇండ్ బ్యాంకు, ఆర్ఐఎల్ సుమారు 6.78 శాతం కోల్పోయి భారీ నష్టాలు చవిచూశాయి. ఐసీఐసీఐ బ్యాంకు, హెచ్డీఎఫ్సీ ట్విన్స్, హీరో మోటోకార్ప్, యాక్సిస్ బ్యాంకు, మారుతి, వేదాంత, ఓఎన్జీసీ, ఎమ్ అండ్ ఎమ్, సన్ ఫార్మా, కోటక్ బ్యాంకు, టాటా స్టీల్ (సుమారు 2.20 శాతం) నష్టపోయాయి.
లాభాల్లో..
భారతీ ఎయిర్టెల్, ఇన్ఫోసిస్, టీసీఎస్, ఎన్టీపీసీ, పవర్గ్రిడ్ (0.89 శాతం) స్వల్ప లాభాలు ఆర్జించాయి.
అమెరికా ఆంక్షల ప్రభావం
ప్రస్తుతం చైనా, భారత్ ఇరాన్ నుంచి అత్యధికంగా ముడిచమురును దిగుమతి చేసుకుంటున్నాయి. ట్రంప్ ప్రభుత్వ డిమాండ్లను ఈ దేశాలు అంగీకరించకపోతే, ద్వైపాక్షిక సంబంధాల్లో ఇబ్బందులు తలెత్తొచ్చు. ఇది వాణిజ్యంపై తీవ్ర ప్రభావం చూపుతుంది.
క్షీణించిన రూపాయి విలువ
అమెరికా డాలర్లో పోలిస్తే రూపాయి విలువ 28 పైసలు క్షీణించి రూ.69.63కు చేరుకుంది.
ఇదీ చూడండి: 'రఫేల్పై నా వ్యాఖ్యల పట్ల చింతిస్తున్నా'
