స్టాక్ మార్కెట్లు ఈ వారం అంతర్జాతీయ పరిణామాలు, కరోనా వైరస్‌ వార్తలపై దృష్టి సారించే అవకాశముందని నిపుణులు విశ్లేషిస్తున్నారు. వీటికి తోడు ఈ వారం నాలుగు రోజులే మార్కెట్లు పని చేయనుండటమూ ట్రేడింగ్‌పై ప్రభావం చూపొచ్చని తెలుస్తోంది.
- 'శ్రీరామ నవమి' సందర్భంగా ఏప్రిల్ 2 (గురువారం) మార్కెట్లకు సెలవు.
కరోనా కారణంగా కుదేలైన ఆర్థిక వ్యవస్థకు ఊతమిచ్చేందుకు కేంద్రం, ఆర్బీఐ ప్రకటించిన ఉద్దీపనలు మార్కెట్లపై పరిమిత ప్రభావం చూపిస్తాయని అభిప్రాయపడుతున్నారు విశ్లేషకులు. ఉద్దీపనలకు తోడు కరోనా ప్రభావం ఎంత వరకు ఉంది అనే అంశం ఆధారంగానే రిలీఫ్‌ ర్యాలీ ఉండొచ్చని అంచనా వేస్తున్నారు.
అయితే ప్రస్తుత పరిస్థితుల్లో పెట్టుబడి పెట్టాలనుకునే మదుపరులు క్వాలిటీ స్టాక్‌లపై మాత్రమే దృష్టి సారించాలని సూచిస్తున్నారు.
మార్చి నెలకు సంబంధించి వాహన విక్రయ గణాంకాలు ఈ వారమే వెల్లడి కానున్నాయి. ఆటో షేర్లపై ఈ ప్రభావం అధికంగా ఉండొచ్చని మార్కెట్ బ్రోకర్లు అంచనా వేస్తున్నారు.
ఇదీ చూడండి:'ఖాతా లేకున్నా ఇకపై ఫేస్‌బుక్‌ లైవ్‌ వీడియోలు చూడొచ్చు'
