కొవిడ్-19 మహమ్మారి వల్ల ప్రపంచవ్యాప్తంగా చాలా దేశాలు లాక్డౌన్ విధించాయి. ఈ సమయంలో ఫేస్బుక్ లైవ్ వీడియోలకు డిమాండు భారీగా పెరిగింది. కరోనావైరస్‌ సమాచారం కోసం చాలా మంది ఈ లైవ్‌వీడియోలను చూస్తున్నారు. అయితే ఈ వీడియోలను ఫేస్బుక్ ఖాతాలేని వారు చూసేందుకు వీలుండేది కాదు. అయితే ఇప్పుడు ఖాతా లేకున్నా లైవ్ వీడియోలను వీక్షించేలా ఫేస్బుక్ సరికొత్త సదుపాయాన్ని తీసుకొచ్చింది.
ఇప్పటికే డెస్క్‌టాప్‌ యూజర్లకు ఈ ఫీచర్ అందుబాటులో ఉండగా.. ఆండ్రాయిడ్ మొబైల్ యూజర్లకు తాజాగా అందుబాటులోకి వచ్చింది ఉంది. త్వరలోనే ఐఓఎస్‌ యూజర్లకు అందుబాటులోకి తెచ్చేందుకు కృషి చేస్తోంది ఫేస్బుక్. మరో వారంరోజుల్లో ఐఓఎస్‌ యూజర్లకు ఈ సదుపాయం అందుబాటులోకి తీసుకురానున్నట్లు ఫేస్బుక్ ప్రకటించింది.
టోల్ఫ్రీ నెంబర్ ద్వారా..
దీంతో పాటు పబ్లిక్ స్విచ్ టెలీఫోన్ నెట్వర్క్అనే ఓ సరికొత్త సదుపాయాన్ని అందుబాటులోకి తీసుకువచ్చింది. ఈ నెంబర్ ద్వారా లైవ్స్ట్రీమ్ల ఆడియోలు ఫోన్‌ద్వారా వినొచ్చు.
వీడియో క్వాలిటీ తగ్గింపు..
ప్రస్తుతం ప్రజలంతా ఇళ్లకే పరిమితం కావడం వల్ల ఫేస్బుక్ వినియోగం అధికమవుతోంది. 70 శాతం కంటే ఎక్కువ మంది యూజర్లు గ్రూప్ వీడియో కాల్స్ చేయడం, ఫేస్బుక్, ఇన్స్టాగ్రామ్లో లైవ్లను చూడడటానికి సమయం వెచ్చిస్తున్నారు. ఈ కారణంగా ఇంటర్నెట్‌ వినియోగంపై భారాన్ని తగ్గించేందుకు భారత్, లాటిన్ అమెరికాల్లో వీడియో నాణ్యతను తగ్గిస్తున్నట్లు ప్రకటించాయి ఈ సంస్థలు.
ఇదీ చదవండి: కరోనాపై గెలిచిన హైదరాబాదీకి మోదీ ఫోన్
