భారీ లాభాలతో ముగిసిన మార్కెట్లు- 14,850పైకి నిఫ్టీ - షేర్ మార్కెట్స్

స్టాక్ మార్కెట్లు

Published : Apr 28, 2021, 9:24 AM IST

Updated : Apr 28, 2021, 3:41 PM IST

15:38 April 28

స్టాక్ మార్కెట్లు వరుసగా మూడో రోజూ లాభాలతో ముగిశాయి. సెన్సెక్స్ 790 పాయింట్లు పెరిగి 48,734 వద్ద స్థిరపడింది. నిఫ్టీ 211 పాయింట్ల లాభంతో 14,864 వద్దకు చేరింది.

బజాజ్ ఫినాన్స్, ఇండస్ఇండ్ బ్యాంక్, బజాజ్ ఫిన్సర్వ్, ఐసీఐసీఐ బ్యాంక్, కోటక్ మహీంద్రా బ్యాంక్ లాభాల్లో ప్రధానంగా ఉన్నాయి.
నెస్లే, ఎల్&టీ, హెచ్సీఎల్టెక్, టీసీఎస్, డాక్టర్ రెడ్డీస్ షేర్లు ఎక్కువగా నష్టపోయాయి.

12:04 April 28

బజాజ్ షేర్ల దూకుడు..

స్టాక్ మార్కెట్లు వరుస లాభాలతో దూసుకుపోతున్నాయి. సెన్సెక్స్ 530 పాయింట్లకుపైగా లాభంతో 49,480 వద్ద ట్రేడవుతోంది. నిఫ్టీ దాదాపు 150 పాయింట్లు పెరిగి 14,800 వద్ద కొనసాగుతోంది.

బజాజ్ ఫినాన్స్, బజాజ్ ఫిన్సర్వ్, బజాజ్ ఆటో, ఇండస్ఇండ్ బ్యాంక్, కోటక్ మహీంద్రా బ్యాంక్ లాభాల్లో ప్రధానంగా ఉన్నాయి.
2020-21 క్యూ4 ఫలితాల జోష్తో టీవీఎస్ షేర్లు ఏకంగా 17 శాతం పుంజుకున్నాయి.
నెస్లే, యాక్సిస్ బ్యాంక్, టీసీఎస్, హెచ్సీఎల్టెక్, ఇన్ఫోసిస్ మాత్రమే 30 షేర్ల ఇండెక్స్లో నష్టాల్లో ట్రేడవుతున్నాయి.

08:45 April 28

స్టాక్ మార్కెట్లలో లాభాల జోరు

స్టాక్మార్కెట్లు వరుసగా మూడో సెషన్లోనూ లాభాలతోనే ప్రారంభమయ్యాయి. బొంబాయి స్టాక్ ఎక్స్చేంజి సూచీ సెన్సెక్స్ 300 పాయింట్లు పెరిగింది. ప్రస్తుతం 49 వేల 250 వద్ద కొనసాగుతోంది.

జాతీయ స్టాక్ ఎక్స్చేంజి సూచీ నిఫ్టీ 90 పాయింట్ల లాభంతో.. 14 వేల 745 వద్ద ట్రేడవుతోంది.

లాభనష్టాల్లో..

బజాజ్ ఫినాన్స్, బజాజ్ ఆటో, టాటా మోటార్స్, బజాజ్ ఫిన్సర్వ్, హీరో మోటాకార్ప్ రాణిస్తున్నాయి.

బ్రిటానియా, జేఎస్డబ్ల్యూ స్టీల్, హిందాల్కో, హెచ్యూఎల్, టాటా స్టీల్ డీలాపడ్డాయి.