దేశీయ స్టాక్ మార్కెట్లు వారాంతంలో ఫ్లాట్గా ముగిశాయి. బొంబాయి స్టాక్ ఎక్స్ఛేంజి సూచీ- సెన్సెక్స్ 14 పాయింట్ల లాభంతో 38,855 వద్ద స్థిరపడింది.
జాతీయ స్టాక్ ఎక్స్ఛేంజి సూచీ- నిఫ్టీ 15 పాయింట్లు మెరుగుపడి 11,464 పాయింట్లకు చేరుకుంది.
లాభనష్టాల్లో..
టెక్ మహీంద్రా, టీసీఎస్, హిందుస్థాన్ యూనిలివర్, బజాజ్ ఫైనాన్స్, టైటాన్, ఇన్ఫోసిస్ రాణించాయి.
ఇండస్ఇండ్ బ్యాంక్, ఏషియన్ పెయింట్స్, పవర్గ్రిడ్, హెచ్డీఎఫ్సీ బ్యాంక్, ఓఎన్జీసీ వెనకబడ్డాయి.
ఆసియా మార్కెట్లు..
ఆసియాలో ప్రధాన మార్కెట్లైన షాంఘై, హాంకాంగ్, జపాన్, దక్షిణ కొరియా లాభాలతో ముగిశాయి.
రూపాయి..
అంతర్జాతీయ మార్కెట్లో రూపాయి మారకం 7 పైసలు బలహీనపడింది. డాలరుతో పోలిస్తే రూపాయి విలువ 73.53 వద్ద స్థిరపడింది.
చమురు..
బ్రెంట్ చమురు ధర స్వల్పంగా తగ్గి బ్యారెల్కు 40 డాలర్లుగా ఉంది.
ఇదీ చూడండి: త్వరలో నేషనల్ స్టాక్ ఎక్స్ఛేంజీ పబ్లిక్‌ ఇష్యూ!
