పెట్టుబడుల విషయంలో భారత్కు వరుసగా 13వ సారి అంతర్జాతీయ రేటింగ్ ఏజెన్సీ 'స్టాండర్డ్స్ అండ్ పూర్స్' అత్యల్ప గ్రేడింగ్ ఇచ్చింది. పెట్టుబడుల్లో భారత సార్వభౌమ రేటింగ్ను 'బీబీబీ-' కే పరిమితం చేసింది. 2021 నుంచి భారత ఆర్థిక వ్యవస్థ స్థిరీకరణ ప్రారంభమై కోలుకుంటుందని స్పష్టం చేసింది.
ప్రస్తుత ఆర్థిక సంవత్సరంలో భారత ఆర్థిక వ్యవస్థ 5 శాతం తగ్గనుందని ఎస్ అండ్ పీ అంచనా వేసింది. 2019-20లో జీడీపీ వృద్ధి రేటు 11 ఏళ్ల కనిష్ఠానికి చేరి 4.2 శాతంగా నమోదైంది. అయినప్పటికీ 2021-22 ఏడాదికి జీడీపీ వృద్ధి రేటు 8.5 శాతం, 2022-23లో 6.5 శాతంగా ఉంటుందని స్పష్టం చేసింది ఎస్ అండ్ పీ.
"భారత దీర్ఘకాలిక వృద్ధిరేటుకు ఆటంకాలు ఏర్పడుతున్నాయి. అయితే ప్రస్తుత ఆర్థిక సంస్కరణలు సరిగ్గా అమలైతే వృద్ధి రేటు పుంజుకుంటుంది. దీర్ఘకాలికంగా బీబీబీ-, స్వల్పకాలికంగా ఏ-3 రేటింగ్లో ఉంది భారత్. దేశ జీడీపీ వృద్ధికి బాహ్య కారకాలు, ద్రవ్య విధానాల పనితీరు ప్రభావం చూపటమే కారణం. "
- ఎస్ అండ్ పీ
భారత్లో బలమైన ప్రజాస్వామ్య సంస్థలు విధాన స్థిరత్వాన్ని ప్రోత్సహిస్తాయి. రేటింగ్‌లనూ బలపరుస్తాయి. ఈ సానుకూలతలు దేశంలోని తక్కువ తలసరి ఆదాయం, ఆర్థిక లోటును సమన్వయం చేస్తూ ద్రవ్య నికర ఆస్తులు, ప్రభుత్వ రుణాల్లో స్థిరమైన వృద్ధికి దోహదం చేస్తాయని ఎస్ అండ్ పీ తెలిపింది.
కరోనా సంక్షోభంతో భారత్ బలహీనమైన ఆర్థిక పరిస్థితులను తీవ్రతరం చేస్తుందని ఎస్అండ్పీ వివరించింది. అయితే వచ్చే మూడేళ్లలో దేశ ఆర్థిక వ్యవస్థ ఏకీకరణ మార్గంలో ప్రయాణిస్తుందని అభిప్రాయపడింది.
మరో ప్రముఖ రేటింగ్ సంస్థ ఫిచ్ కూడా పెట్టుబడుల విషయంలో భారత్కు బీబీబీ- రేటింగ్తోనే సరిపెట్టింది.
