పశ్చిమాసియాలో నెలకొన్న ఆందోళనకర పరిస్థితుల నేపథ్యంలో.. చమురు ధరలు ఆకాశాన్ని తాకుతున్నాయి. దేశీయ మార్కెట్లో వరుసగా నాలుగో రోజూ పెట్రోల్, డీజిల్ ధరలు పెరిగాయి.
దేశ రాజధాని దిల్లీలో నేడు.. లీటర్ పెట్రోల్ ధర 9 పైసలు పెరిగి.. రూ.75.54కు చేరింది. డీజిల్ ధర లీటర్కు 11 పైసల వృద్ధితో రూ.68.51కు చేరింది.
ఇరాన్ జనరల్ ఖాసీం సులేమనీని.. ఇరాక్ రాజధాని బగ్దాద్ విమానాశ్రయంలో.. రాకెట్ దాడి చేసి మట్టుబెట్టింది అమెరికా. ఈ దాడితో.. పశ్చిమాసియాలో ఒక్కసారిగా యుద్ధమేఘాలు కమ్ముకున్నాయి. ఫలితంగా చమురు ధరలు ఆ రోజు 3 శాతానికిపైగా పెరిగాయి. చమురు అవసరాలకు దిగుమతులపైనే ఆధారపడే మన దేశంలో పెట్రోల్, డీజిల్ ధరలు ఆకాశాన్నంటుతున్నాయి.
నాలుగు రోజుల్లో 55 పైసలు..
జనవరి 2 నుంచి లీటర్ పెట్రోల్ ధర 38 పైసలు, లీటర్ డీజిల్ ధర 55 పైసలు పెరిగాయి.
దిగుమతులపైనే ఆధారం..
ప్రస్తుతం భారత్ 84 శాతం చమురు అవసరాలను దిగుమతుల ద్వారానే తీర్చుకుంటుంది. ఇరాక్, సౌదీ అరేబియా, ఇరాన్లు మనకు ప్రధాన ఎగుమతిదారులుగా ఉన్నాయి. ఈ కారణంగా అంతర్జాతీయంగా తలెత్తే వివాదాల ప్రభావం మన దేశంపై ఎక్కువగా ఉంటుంది. అంతర్జాతీయ బెంచ్మార్క్లకు అనుగుణంగానే దేశీయ చమురు ధరల సవరణ జరుగుతుంది.
ముప్పేమి లేదు..
పశ్చిమాసియాలో ఆందోళనలు ఉన్నా సరఫరాకు అప్పుడే ముప్పు లేదని అధికారులు అంటున్నారు. ప్రస్తుతానికి ధరల్లో పెరుగుదల ఉంటుందని చెబుతున్నారు.
ఇదీ చూడండి:భవిష్యత్తు ఇంకెంత 'స్మార్ట్'గా ఉండనుందో..!