ఈ ఏడాది భారత వృద్ధి రేటు అంచనాలను దిగువకు సవరించింది ఆక్స్ఫర్డ్ ఎకనమిక్స్. కరోనా రెండో దశ విలయతాండవం చేస్తున్న నేపథ్యంలో 2021 వృద్ధి రేటు 10.2 శాతానికి పరిమితమవచ్చని తాజా నివేదికలో పేర్కొంది. ఇంతకు ముందు నివేదికలో ఈ అంచనా 11.8 శాతంగా ఉండటం గమనార్హం.
'దేశ వైద్య కేటాయింపుల భారం పెరగటం, టీకాలు వేయడంలో ఆశించినంత వేగం లేకపోవడం. కొవిడ్-19 నియంత్రణకు సరైన దిశలో ప్రభుత్వం తన వ్యూహాలను అమలు చేస్తున్నట్లు కనిపించకపోవడం' వంటివి కూడా వృద్ధి రేటు అంచనాలను తగ్గించేందుకు కారణంగా పేర్కొంది.
నెల లాక్డౌన్తో 1-2 శాతం జీడీపీ క్షీణత
కొవిడ్ రెండో దఫా నియంత్రణకు దేశవ్యాప్తంగా నెల రోజుల లాక్డౌన్ విధిస్తే.. జీడీపీ 1-2 శాతం తగ్గే ప్రమాదముందని బ్యాంక్ ఆఫ్ అమెరికా సెక్యూరిటీస్ నివేదికలో పేర్కొంది. వార్షిక ప్రాతిపదికన 3 శాతం వృద్ధి రేటు క్షీణతకు కూడా దారి తీయొచ్చని అభిప్రాయపడింది.
ఇదీ చదవండి:'కరోనా 2.O వల్ల రెండంకెల వృద్ధి రేటు కష్టమే!'