Interim Bail For Jani Master : సహాయ కొరియోగ్రాఫర్పై లైంగిక వేధింపు కేసులో అరెస్టైన ప్రముఖ కొరియోగ్రాఫర్ జానీ మాస్టర్కు రంగారెడ్డి కోర్టు మధ్యంతర బెయిల్ మంజూరు చేసింది. దిల్లీలో జాతీయ అవార్డు తీసుకునేందుకు అనుమతి ఇవ్వాలని రంగారెడ్డి ఫోక్సోకోర్టులో జానీ మాస్టర్ పిటిషన్ దాఖలు చేశారు. దీనిపై విచారణ జరిపిన కోర్టు ఈనెల 6 నుంచి 9వ తేదీ వరకు నాలుగు రోజుల పాటు మధ్యంతర బెయిల్ మంజూరు చేసింది. మళ్లీ 10వ తేదీ ఉదయం 10 గంటలకు కోర్టు ఎదుట హాజరవ్వాలని ఆదేశించింది. రూ.2 లక్షల చొప్పున రెండు పూచికత్తులు సమర్పించాలని తెలిపింది.
మధ్యంతర బెయిల్ సమయంలో మీడియాతో మాట్లాడటం, ఇంటర్వ్యూలు ఇవ్వొద్దని కోర్టు జానీ మాస్టర్కు ఆదేశించింది. దీంతో పాటు మరోసారి మధ్యంతర బెయిల్కు అప్పీల్ చేయొద్దని ఆదేశాలు జారీ చేసింది. కాగా ధనుశ్ నటించిన తిరు అనే తమిళ్ సినిమాలోని 'మేఘమ కరుకథ' అనే పాటకు జానీ మాస్టర్కు ఉత్తమ కొరియోగ్రాఫర్గా జాతీయ అవార్డు కేంద్రం ప్రకటించింది. ఈనెల 8న దిల్లీలో రాష్ట్రపతి చేతుల మీదుగా జానీ మాస్టర్ ఈ అవార్డును అందుకోనున్నారు.
తప్పును అంగీకరించిన జానీ మాస్టర్ - రిమాండ్ రిపోర్ట్లో కీలక విషయాలు - Jani Master Rape Case Update
