కరోనా సంక్షోభంతో గాడి తప్పిన దేశ ఆర్థిక వ్యవస్థ వచ్చే ఆర్థిక సంవత్సరంలో తిరిగి పట్టాలెక్కుతుందని ప్రముఖ రేటింగ్ సంస్థ ఫిచ్ అంచనా వేసింది. 2021-22లో 9.5 శాతం వృద్ధి రేటు సాధిస్తుందని లెక్కగట్టింది. కరోనా కారణంగా ప్రస్తుత ఆర్థిక సంవత్సరంలో దేశ జీడీపీ 5 శాతం మేర క్షీణిస్తుందని అంచనా వేసింది ఫిచ్.
కరోనా మహమ్మారి దేశ ఆర్థిక వృద్ధిని బలహీనపరించిందని.. పెరిగిన ప్రజా రుణభారం కారణంగా అనేక సవాళ్లను తీసుకువచ్చిందని ఫిచ్ అభిప్రాయపడింది.
ప్రపంచ సంక్షోభం తర్వాత భారత దేశ జీడీపీ 'బీబీబీ' కేటగిరీలోని దేశాల కంటే వేగంగా పుంజుకుంటుందని పేర్కొంది ఫిచ్. ఇదీ కరోనా వైరస్‌ కారణంగా ఆరోగ్య, ఆర్థిక రంగాలు మరింత సంక్షోభంలోకి జారిపోకుండా నివారిస్తుందని అంచనా వేసింది.
ఇదీ చూడండి:వాట్సాప్ ద్వారా డబ్బుల ట్రాన్స్ఫర్ ఎలా?
