దేశీయ తయారీ రంగ కార్యకలాపాలు ఏప్రిల్లో దాదాపు ఫ్లాట్గా నమోదయ్యాయి. కొత్త ఆర్డర్లు దాదాపు 8 నెలల కనిష్ఠం వద్ద స్థిరంగా ఉన్నట్లు ఐహెచ్ఎస్ మార్కిట్ ఇండియా నెలవారీ నివేదిక ద్వారా వెల్లడించింది. కరోనా రెండో దశ ప్రభావం తయారీ రంగంపై తీవ్రంగా పడినట్లు పేర్కొంది.
ఐహెచ్ఎస్ మార్కిట్ ప్రకారం ఏప్రిల్లో తయారీ రంగం పీఎంఐ (పర్చేజింగ్ మేనేజర్స్ ఇండెక్స్) 55.5గా నమోదైంది. మార్చిలో ఇది 55.4.
ఏప్రిల్లో తయారీ రంగ ఎగుమతులు మాత్రం పెరిగినట్లు నివేదిక వెల్లడించింది. అంతర్జాతీయంగా భారతీయ ఉత్పత్తులకు గిరాకీ పుంజుకోవడమే ఇందుకు కారణంగా వివరించింది.
ఇదీ చదవండి:'అంతర్జాతీయ మార్కెట్లోకి ఓలా ఈ-స్కూటర్లు'
