నేడు పార్లమెంటు ముందుకు ఆర్థిక సర్వే...

కేంద్రంలో రెండోసారి అధికారాన్ని చేపట్టిన ఎన్డీఏ ప్రభుత్వం.. జులై 5న వార్షిక బడ్జెట్​ ప్రవేశపెట్టనుంది. అయితే... దీనికి ముందు కీలకమైన ఆర్థిక సర్వేను నేడు పార్లమెంటు ముందుకు తీసుకురానుంది. ప్రధాన ఆర్థిక సలహాదారు కేవీ. సుబ్రమణియన్​ నేడు ఆర్థిక సర్వేను లోక్​సభలో ప్రవేశపెట్టనున్నారు.

సార్వత్రిక ఎన్నికల్లో ఘనవిజయం సాధించిన ప్రధాని నరేంద్రమోదీ నేతృత్వంలోని ఎన్డీఏ ప్రభుత్వం జులై 5న పార్లమెంటులో​ బడ్జెట్​ ప్రవేశపెట్టనుంది. అయితే.. బడ్జెట్​కు ముందు కీలకమైన ఆర్థిక సర్వేను నేడు లోక్​సభలో ప్రవేశపెట్టనున్నారు ప్రధాన ఆర్థిక సలహాదారు కేవీ సుబ్రమణియన్​. మరుసటి రోజు కేంద్ర ఆర్థిక మంత్రి హోదాలో నిర్మలా సీతారామన్​.. బడ్జెట్​ను ప్రవేశపెట్టనున్నారు.

సాధారణంగా కేంద్ర బడ్జెట్​కు ఒక రోజు ముందు ఆర్థిక సర్వేను లోక్​సభలో ప్రవేశపెడతారు. అభివృద్ధి కార్యక్రమాల ఫలితాలు, ప్రభుత్వ విధానాలు, ఆర్థిక వ్యవస్థపై అంచనాలను ఈ సర్వే ద్వారా వెల్లడిస్తారు. కొత్త ప్రభుత్వంలో తొలి ఆర్థిక సర్వేను మొదటిసారిగా సభలో ప్రవేశపెట్టేందుకు ఎదురుచూస్తున్నా’ అని ట్వీట్‌ చేశారు సుబ్రమణియన్‌.

• Looking forward with excitement to table my first - and the new Government's first - Economic Survey in Parliament on Thursday. #EcoSurvey2019

  — K V Subramanian (@SubramanianKri) July 2, 2019 " class="align-text-top noRightClick twitterSection" data="

  Looking forward with excitement to table my first - and the new Government's first - Economic Survey in Parliament on Thursday. #EcoSurvey2019

  — K V Subramanian (@SubramanianKri) July 2, 2019

  ">

  Looking forward with excitement to table my first - and the new Government's first - Economic Survey in Parliament on Thursday. #EcoSurvey2019

  — K V Subramanian (@SubramanianKri) July 2, 2019

ఆర్థిక సర్వే అంటే ఏమిటీ ?

గడిచిన ఏడాది కాలంగా దేశంలో ఆర్థిక అభివృద్ధి, ప్ర‌భుత్వ విధానాల ఫ‌లితాల గురించి చెప్పేదే ఆర్థిక‌ స‌ర్వే. దీని ఆధారంగా బ‌డ్జెట్​లో చ‌ర్చించాల్సిన‌ అంశాలపై నిర్ణ‌యం తీసుకునే అవ‌కాశం ఉంటుంది. ఈ నివేదికను కేంద్ర ఆర్థిక మంత్రిత్వ శాఖ ప్ర‌ధాన ఆర్థిక స‌ల‌హాదారుడు త‌యారుచేస్తారు. దేశ ఆర్థిక వ్య‌వ‌స్థ తీరుతెన్నుల‌ను ఈ నివేదిక స్ప‌ష్టంగా వెల్ల‌డిస్తుంది.

ఆర్థిక సర్వే ఆధారంగా ప్ర‌భుత్వం ఇంకా చేయాల్సిన అభివృద్ధి ప‌నులేంటి? గ‌తేడాది అభివృద్ధి ఏ మేరకు జరిగింది? వంటి విష‌యాలు తెలుస్తాయి. ప్ర‌ధానంగా అభివృద్ధి కార్యక్రమాలపై విశ్లేషణ, ప్రభుత్వ విధానాలు, ఆర్థిక వ్యవస్థలో వ‌చ్చిన మార్పుల‌ను తెలియ‌జేస్తుంది.

2019-20 సంవత్సరానికి సంబంధించి ప్రస్తుత ఆర్థిక సర్వేలో రైతుల‌ు, వ్య‌వ‌సాయానికి సంబంధించి కొత్త ప్రతిపాద‌న‌లు ఉండొచ్చని భావిస్తున్నారు. ఆహార ఉత్ప‌త్తుల‌కు మ‌ద్ద‌తు ధ‌రలు, ఆదాయం, రుణాలు, ర‌వాణా స‌దుపాయాల లోటు వంటి అంశాలను ప‌రిశీలించనున్నారు