కరోనా రెండో దశ(covid second wave) వ్యాప్తి కారణంగా దేశ ఆర్థిక వృద్ధి అంచనాను పునఃపరిశీలించాల్సిన అవసరం ఏర్పడిందని ఆర్బీఐ వెల్లడించింది. 2020-2021 సంవత్సరానికి గానూ గురువారం విడుదల చేసిన వార్షిక నివేదిక(RBI annual report)లో ఈ విషయాన్ని పేర్కొంది. మహమ్మారి కారణంగా గత ఏడాది ఆర్థిక వృద్ధి దెబ్బతిందని పేర్కొంది. 2021-22 సంవత్సరంలో 10.5శాతం వృద్ధి లభిస్తుందని.. క్యూ1లో 26.2 శాతం, క్యూ2లో 8.3 శాతం, క్యూ3లో 5.4 శాతం, క్యూ4లో 6.2 శాతం వృద్ధి నమోదవుతుందని ఆర్బీఐ ఇదివరకు అంచనా వేసింది.
మహమ్మారి ఆర్థిక వ్యవస్థపై ప్రభావం చూపుతున్నా.. ప్రభుత్వం దానిని ఎదుర్కొనేందుకు ప్రయత్నిస్తోందని ఆర్బీఐ పేర్కొంది. అయితే ఈ సమయంలో ప్రపంచ దేశాలు కలిసికట్టుగా పనిచేయడం వల్ల.. ఎవరికి వారు స్వతంత్రంగా పోరాడిన దాని కన్నా మెరుగైన ఫలితాలు వస్తాయని అభిప్రాయపడింది. ద్రవ్యోల్బణాన్ని కట్టడి చేస్తూ ఆర్థిక వృద్ధి గాడిన పడేలా 2021-2022 సంవత్సరానికి ద్రవ్య విధానాల ఏర్పాటుతు ఉపయోగపడుతుందని తెలిపింది.
ఇదీ చదవండి : Inflation: 'వ్యవస్థను వెంటాడుతున్న ద్రవ్యోల్బణం'
