అమెరికాపై కరోనా వైరస్ ప్రభావం భారీగా పడింది. ప్రపంచంలోనే ఎక్కడా లేనంతగా కేసులు, మరణాలు నమోదయ్యాయి. వీటితో పాటు అగ్రరాజ్య ఆర్థిక వ్యవస్థపైనా కరోనా తీవ్ర ప్రభావం చూపుతోంది. దశాబ్ద కాలంలో ఎన్నడూ లేని విధంగా.. తొలి త్రైమాసికంలో యూఎస్ జీడిపీ కేవలం 4.8శాతంగా నమోదైందని ప్రభుత్వ ముందస్తు అంచనాల్లో వెల్లడైంది.
"కరోనాపై పోరులో భాగంగా ప్రభుత్వం ఇచ్చిన స్టే ఎట్ హోం ఆదేశాల వల్ల తొలి త్రైమాసికం జీడీపీ తగ్గింది. అలాగే డిమాండ్లో పెను మార్పులు వచ్చాయి. వాణిజ్యం, పాఠశాలలు మూతపడ్డాయి. వినియోగదారులు తమ ప్రణాళికలను రద్దు చేసుకున్నారు."
-- బ్యూరో ఆఫ్ ఎకానమిక్ అనాలిసిస్(బీఏఈ).
అమెరికాలో రెండో త్రైమాసికం మరింత దారుణంగా మారనుందని హెచ్చరించింది బీఏఈ. జీడీపీ మైనస్ 15 నుంచి మైనస్ 20శాతం మధ్యలో నమోదయ్యే అవకాశముందని శ్వేతసౌధం సీనియర్ అర్థిక సలహాదారు కెవిన్ హాస్సెట్ అభిప్రాయపడ్డారు.
అయితే నాలుగో త్రైమాసికానికి అమెరికా ఆర్థిక వ్యవస్థ పుంజుకుంటుందని అధ్యక్షుడు డొనాల్డ్ ట్రంప్ ధీమా వ్యక్తం చేశారు.
